金鶴拉麵 (荷李活道)

營業中

休息中

一向好鐘意食日本拉麵，但係食開中環嘅拉麵都要至少150蚊一碗。今日經過蘭貴芳附近，見到呢間日本拉麵80蚊唔洗一碗，所以就入去試下。餐廳可以見到廚房入面嘅煮食情況，都幾乾淨。我6點幾去到，客人唔算多，可以靜靜地享受到個拉麵。醬油拉麵食過咁多間嘅拉麵，呢個醬油拉麵算係中上水平，麵質彈牙，湯底都幾香，直接飲湯都唔會覺得好咸。最欣賞隻流心蛋，半熟加流汁，浸落啲湯到最後先食就好入味。食完都係78蚊埋單，係正常拉麵價，喺中環就幾抵食。唔洗排隊就食到高質拉麵，有潛質做我嘅中環飯堂。