影片
更多
2017-01-20
683 瀏覽
心血來潮想食日本野,不過九龍城好少少都好貴,行行下見到一間外賣壽司鋪,入到去,鋪頭細細,放滿一件件外賣壽司,當我留意真D,原來仲有即叫即做魚生飯,款式多而且好抵食,店員仲好好建議我可以係鋪頭出面有張小餐枱,可以企住食,心諗我攞走都冇地方食,加上我都未試過係店外立食,乾脆試試吧!見到menu有好多食物選擇,首先一定揀個魚生丼黎食啦, 我必選海膽盛丼,因為108價錢可以食到海膽同三文魚吞拿魚刺身簡直超值,朋友再點左個特盛鮭魚丼,另外再叫左火炙芝士三文魚,帆立貝同芝士蟹柳壽司等等。可能即叫即整關係,等左一陣先有野食,壽司先黎, 火炙芝士三文魚芝士入口好濃芝士香,半溶芝士配半熟三文魚好美味,另外帆立貝壽司一塊好厚,十分滑嫩,而蟹柳壽司用既蟹柳都係日本蟹柳,唔係普通係超市買到個種,貨真價實!我最期待既海膽盛丼黎到,大大碗面鋪上大量海膽,顏色鮮黃有光澤,仲有厚切三文魚同吞拿魚添,真係一次過滿足晒我想食刺身既慾望,食一口海膽,好新鮮,濃濃鮮味直接滑入喉嚨,入口即溶,再試下其餘兩樣刺身,同樣鮮味無比。另外,我都有試朋友碗特盛三文魚丼,首先都係大量三文魚覆蓋成碗飯,而且清楚見到每塊三文魚都係非常之厚,呢
見到menu有好多食物選擇,首先一定揀個魚生丼黎食啦, 我必選海膽盛丼,因為108價錢可以食到海膽同三文魚吞拿魚刺身簡直超值,朋友再點左個特盛鮭魚丼,另外再叫左火炙芝士三文魚,帆立貝同芝士蟹柳壽司等等。
可能即叫即整關係,等左一陣先有野食,壽司先黎, 火炙芝士三文魚芝士入口好濃芝士香,半溶芝士配半熟三文魚好美味,另外帆立貝壽司一塊好厚,十分滑嫩,而蟹柳壽司用既蟹柳都係日本蟹柳,唔係普通係超市買到個種,貨真價實!
我最期待既海膽盛丼黎到,大大碗面鋪上大量海膽,顏色鮮黃有光澤,仲有厚切三文魚同吞拿魚添,真係一次過滿足晒我想食刺身既慾望,食一口海膽,好新鮮,濃濃鮮味直接滑入喉嚨,入口即溶,再試下其餘兩樣刺身,同樣鮮味無比。
另外,我都有試朋友碗特盛三文魚丼,首先都係大量三文魚覆蓋成碗飯,而且清楚見到每塊三文魚都係非常之厚,呢碗刺身飯只係88,新鮮即整又好味,真係抵食,朋友話本身食晒刺身已經好飽,但D飯都好好味,於是大家都食到一粒飯都有剩,完全飽晒,原本想食個糖水但個肚都冇空間啦!
今次立食經驗好特別,有途人經過見到我地咁大碗飯同厚身都嘖嘖稱奇,呢間店鋪各樣我地都好滿意,下次會再幫襯。
張貼
