影片
更多
2023-07-30
52 瀏覽
同朋友去咗呢間法國餐廳Enchanté慶祝生日，餐廳內裡裝潢好靚，身處其中好似去咗洞穴內咁，好有氣氛！另外仲有一條西洋棋樓梯比人打卡影相，夠晒gimmick！ 先送上麵包籃，有幾款麵包。 Smoked Eel & Smoked Salmon Salad（$155） 賣相非常精緻嘅一道前菜！法國鱔魚肉質嫩滑，煙燻香味突出，挪威三文魚刺身肥美新鮮，醬汁加上鹹香嘅三文魚子，連埋一齊食味道好夾！底下嘅沙律菜及橙色番茄仔都新鮮爽甜，好食！ Beef Consomme Royale （$125） 店員先奉上擺有燉蛋及蘿蔔絲嘅湯碗，然後再緩緩倒上牛肉清湯，視覺效果一流！牛肉清湯湯頭清澈，濃縮咗牛及唔同蔬菜嘅鮮香，配搭嘅脆多士亦有魚子醬嘅點綴，更添鮮味！ Black Truffle Penne （$235） 呢個相對之下就比較失色，通粉略嫌比較淋身，唔夠al dente。醬汁creamy但本身並無松露香，主要係靠新鮮松露片去帶出味道，如果即席刨上黑松露片，香味會更加凸顯出來！呢度嘅cocktails都調得唔錯，值得一試！
另外仲有一條西洋棋樓梯比人打卡影相，夠晒gimmick！
先送上麵包籃，有幾款麵包。
Smoked Eel & Smoked Salmon Salad（$155）
賣相非常精緻嘅一道前菜！法國鱔魚肉質嫩滑，煙燻香味突出，挪威三文魚刺身肥美新鮮，醬汁加上鹹香嘅三文魚子，連埋一齊食味道好夾！底下嘅沙律菜及橙色番茄仔都新鮮爽甜，好食！
Beef Consomme Royale （$125）
店員先奉上擺有燉蛋及蘿蔔絲嘅湯碗，然後再緩緩倒上牛肉清湯，視覺效果一流！牛肉清湯湯頭清澈，濃縮咗牛及唔同蔬菜嘅鮮香，配搭嘅脆多士亦有魚子醬嘅點綴，更添鮮味！
Black Truffle Penne （$235）
呢個相對之下就比較失色，通粉略嫌比較淋身，唔夠al dente。醬汁creamy但本身並無松露香，主要係靠新鮮松露片去帶出味道，如果即席刨上黑松露片，香味會更加凸顯出來！
呢度嘅cocktails都調得唔錯，值得一試！
張貼
