5天前
0 瀏覽
一直以為Delifrance 午市幾抵食,難怪爆曬場好多客,最平七十幾蚊已經有個set,擺盤仲好靚~卡位坐得勁舒服!好欣賞佢哋有好多特飲,梳打、咖啡、牛奶咩都有,唔錯唔錯!首先,加配咗個龍蝦湯,龍蝦湯非常企理側邊仲有即時烘熱嘅法包,龍蝦味道超香濃推薦,入面仲有龍蝦肉帶子黑松露飯擺上枱已經好香黑松露味,每一粒飯都混合咗忌廉同黑松露,粒粒鮮香,上面仲有好多粒原粒帶子😃吉列豬扒芝士拿坡里汁焗飯超級推薦,呢個超抵食份量勁多上面塊豬扒大大件外脆內軟,即場焗所以好熱好正😊底部有好多菇、鮮茄汁同芝士,茄汁唔會太酸甜甜地啱啱好,豬扒好好食外層脆肉質香。
張貼