Délifrance Bistro

營業中

休息中

相約好耐冇見既好友，我哋一齊去屯門市中心，行商場搵餐廳食下嘢，就係 Delifrance Bistro 食個lunch先啦 ~入去餐廳，地方闊落，以歐式風格設計，配搭柔和燈光效果，感覺令人心情放鬆！ 大蝦羅勒青醬意粉       $102之前試過依度啲意粉有質素，今次一定要再食。意粉非常彈牙，口感煙韌，唔會偏淋，仍然保持水準！蝦好大隻，嫩滑爽口，蝦味香濃，羅勒青醬與意粉撈得好均勻，好美味。匈牙利牛肋條意粉       $92牛肋條大大粒且厚身，入口十分juicy，肉質嫩滑，牛味濃郁，意粉爽口，煙韌彈牙，唔會煮得過淋，與爽甜嘅紅蘿蔔及自家製醬汁拌勻後，口感十分豐富，太喜歡。焗法國軟心朱古力蛋糕配雪糕       (+$49)點左我地鍾意嘅軟心朱古力蛋糕配雪糕，蛋糕外皮焗至熱熱，鬆脆可口，切開後擁出朱古力漿，整個朱古力蛋糕味道濃厚，配搭雲呢拿雪糕同幼滑忌廉，一冷一熱，一齊食層次感更多。法國軟心冬甩        (+$12)另一個甜品係冬甩，有幾款口味選擇，揀左朱古力，軟心質地，啖啖濃郁香味，朱古力軟心餡料，香濃幼滑，甜度啱啱好，麵包散發天然香味。跟餐送熱飲，有即磨咖啡、錫蘭奶茶、檸檬茶及

今晚同老公去咗Delifrance Bistro 食dinner，用openrise book咗枱，去到唔使等位，原來星期一至五Supreme set 第二客有半價，超開心囉👍🏽👏🏽👏🏽👏🏽我們選咗法式香草烤羊架$249，法式烤鱈魚柳$165（第二客半價即$82.5），羊架好嫩、魚柳略嫌過熟，但我老公話魚柳好味，甜品叫咗蜜桃撻、法式蝴蝶酥加雪糕、蝴蝶酥好鬆脆配雪糕一流，蜜桃撻都好好味，仲叫咗凍咖啡同錫蘭奶茶，埋單$443，下次可以再試埋Supreme set其他菜

今日行過屯門市廣場，見到間法式小餐館好有feel，就行入去試吓下午茶！一入門就俾佢嘅環境吸引住，充滿復古法國風味，坐得好舒服，好啱同朋友嚟chill吓！最估唔到係呢度嘅下午茶餐超抵食，一個set先五十幾蚊！我哋叫咗幾款都好唔錯。煙三文魚牛油果醬炒蛋全麥多士，三文魚鹹香，牛油果醬creamy，配埋嫩滑嘅炒蛋，夾埋全麥多士一齊食，口感好豐富！鮮芒果法式拿破崙蛋糕，芒果清甜多汁，拿破崙層層酥脆，咬落去喀吱聲，甜而不膩，正到爆！飲品方面，有機蘋果茶清香解膩，有淡淡蘋果香；有機雜莓茶酸酸甜甜，好開胃。另外仲試咗鱈魚柳照燒汁意粉，鱈魚柳外脆內嫩，照燒汁鹹甜適中，拌埋意粉好滋味。燒烤醬雞肉脆薄餅都唔錯，薄餅烤到金黃酥脆，雞肉夠入味。凍泡沫咖啡口感綿密，咖啡香濃，好啱做飯後甜品！📍Délifrance Bistro屯門屯隆街1號錦薈坊3樓316號舖

搬完屋，先至發現原來已經太晏好多餐廳都已經進入啦order嘅狀態幸好有一間西餐廳可以接受我哋入去食，當然要食吓他的招牌食品。（5⭐️最高）匈牙利牛肋條意粉（5⭐️）牛肋條煮除了入味之餘，肉質香嫩幼滑。 意粉亦都煮得剛好， 入口彈牙💓。吉列豬扒漢堡配薯條（5⭐️）大大塊吉列豬扒被炸得脆脆的漢堡包包圍着❤️。加入滋味醬份亦份外惹味。薯條以細薯條為主剛好是一啖一口🥰。 脆炸馬蘇里拉芝士條（6條）（5⭐️）脆炸馬蘇里拉芝士🧀，發現都非常滋味可口，相比起其他芝士條味道會較為濃郁；芝士質感會較為實。

今日放假約咗朋友食早餐；去咗屯門呢間delifance!之前食過下午茶都OK;今日試吓佢嘅早餐。早餐選擇都算多，我叫咗個自選早餐: 有迷你雜菜湯螺絲粉、煎蛋。另外我揀咗火雞片同杏鮑菇。老友就簡單啲要咗個芝士煙肉小斑味包；可以配太陽蛋同埋一個雜菜湯螺絲粉。食物質素OK；服務亦可，舒舒服服大家傾吓偈。

呢間餐廳相信唔係預製菜，唔係上得快，所有菜品都係熱辣辣，亦係抵食之選。黑松露薯條新鮮啱啱乍起，黑松露味好重，份量足，抵食。龍蝦湯居然有龍蝦肉，有驚喜。而且鹹味適中。鱈魚扒新鮮大份。煙三文魚卡邦尼意粉，份量好足，煙肉同三文魚都好多件，而且蛋香味好濃，性價比高。飲品都好花心思，相貌靚，而且朱古力味濃，朱古力出品不錯。布朗蛋糕配雪糕賣相好亦超好食，蛋糕啱啱焗起，中間暖，配起雪糕冰火交融。整體嚟講，餐廳出品質素高，菜式賣相花心思，價錢平民。Supreme Set做緊買二送一，超抵食。

好耐冇食Delifrance，放工諗唔到食乜嘢見到呢間，搵返兒時回憶。屯門呢間環境好舒服，有空間感。同老公叫咗兩個餐。法式烤鱈魚柳伴文也汁配烤薯仔鱈魚柳外脆內嫩，烤得啱啱好，肉質嫩滑，帶有油脂香味。雖然就咁食已經好好味，但加埋文也汁嘅清新酸味為魚肉增添咗層次感，配搭啲金黃香脆嘅烤黃瓜同薯仔，真係好夾嘅組合，健康又好味。草飼牛柳藜麥飯研究過草飼牛肉同傳統的穀飼牛肉不同，呢種牛肉由吃草和其他天然食物餵養的牛製成，不含任何激素或添加劑，牛肉的營養價值和口感更加健康、自然和美味。老公追求健康食材😂揀咗呢款。牛柳煮得恰到好處，肉質鮮嫩，配上健康嘅藜麥飯整體口感好豐富。藜麥嘅香氣配合牛肉，感覺好健康又有營養。法式蝴蝶酥配雪糕呢個加配甜品，蝴蝶酥外脆內軟，配埋一球香滑嘅雪糕，完美的一餐。

朋友介紹說屯門有一間特別舒服的Delifrance Bistro，所以特登去試下。環境比較闊落，坐位之間好有空間感。溫泉蛋牛油果青醬意粉 $89溫泉蛋掌握得好好，流心蛋黃充滿每條意粉加分，牛油果好足料，感覺比青醬味道更突出，份量好滿意。黑松露白汁薯條 跟餐 +$29.0用左薯條同埋即炸無翻炸，無論岩岩炸好同凍左都咁好食，黑松露白汁令薯條錦上添花。紅咖哩雞藜麥飯 $79紅咖哩充滿椰奶香味，微辣帶有一定的甜度，不太吃辣的人也可以接受，超濃郁非常岩配白飯一齊食，雞肉份量也多而且唔老。脆炸馬蘇里拉芝士條6件 $78因為我同朋友都好鍾意食芝士想試一下，熱辣辣食好香同拉絲，但凍左有少少似面包的質感，要馬上食。熱焙茶朱古力 跟餐 +$12.0每個套餐但有一杯飲品亦可以加錢轉特飲，其中一杯試左焙茶朱古力，兩個味道好夾，唔會搶左大家的味道，好飲。鮮士多啤梨法式拿破斋蛋糕 跟餐 +$39.0最後試埋甜品，拿破斋做到酥脆的質感，感覺好新鮮唔似放左好耐的，好滿足。

一直以為Delifrance 午市幾抵食，難怪爆曬場好多客，最平七十幾蚊已經有個set，擺盤仲好靚~卡位坐得勁舒服！好欣賞佢哋有好多特飲，梳打、咖啡、牛奶咩都有，唔錯唔錯！首先，加配咗個龍蝦湯，龍蝦湯非常企理側邊仲有即時烘熱嘅法包，龍蝦味道超香濃推薦，入面仲有龍蝦肉帶子黑松露飯擺上枱已經好香黑松露味，每一粒飯都混合咗忌廉同黑松露，粒粒鮮香，上面仲有好多粒原粒帶子😃吉列豬扒芝士拿坡里汁焗飯超級推薦，呢個超抵食份量勁多上面塊豬扒大大件外脆內軟，即場焗所以好熱好正😊底部有好多菇、鮮茄汁同芝士，茄汁唔會太酸甜甜地啱啱好，豬扒好好食外層脆肉質香。

屯門市中心的Delifrance Bistro經常端出誠意新菜色，喜歡巴黎小酒館裝潢草飼牛柳伴紅酒汁配烤新薯雜菜 $219厚切牛柳烙出焦糖網紋，五分熟度將草飼牛特有的濃郁肉香，淋上主廚以勃艮第紅酒熬煮三小時的絲絨醬汁，佐以烤至金黃的百里香新薯與彩椒蘆筍套餐加蘑菇忌廉湯+$15及餐飲，配熱錫蘭奶茶驚喜新星州風味馬來海鮮炒意粉$99以鑊氣征服味蕾，彈牙意大利麵裹上參巴醬的辛香，拌炒虎蝦、魷魚圈與蜆肉的海潮鮮甜，微辣尾韻令人食慾全開今季融合法式工藝與南洋熱情的菜單，讓街坊價位吃出星級質感，絕對值得專程再訪！

今次小編到咗屯門市中心嘅餐廳試試😊 餐廳嘅環境好有情調，以黑色為主，同埋播放啲好浪漫嘅歌曲🎵，於是小編就膽粗粗行入去試吓究竟好唔好食😋。今次小編叫咗兩個set試吓👇1️⃣ 安格斯牛肉黑松露白汁洋蔥圈芝士漢堡🍔 配黑松露薯條🍟 漢堡嘅安格斯牛肉超級juicy，咬落去肉汁四溢，配上濃郁嘅黑松露白汁同埋脆卜卜嘅洋蔥圈，口感層次豐富到爆💥！芝士融化喺牛肉上面，每一啖都係幸福嘅味道😍。黑松露薯條更加係不得了，松露香氣撲鼻，外脆內軟，食到停唔到口🤤！2️⃣ 北海道帶子黑松露飯🍚 帶子大大粒，煎得剛剛好，外層微焦，內裡鮮嫩多汁，配上黑松露嘅香氣，簡直係味蕾嘅享受✨。飯粒吸收晒松露嘅精華，每一啖都充滿住濃郁嘅香氣，真係令人回味無窮😋。餐廳嘅服務都好好，店員好細心，成個用餐體驗都好舒服💯。如果你都想試吓呢啲高質美食，快啲嚟呢間餐廳打卡啦📸！

同朋友行完山，意猶未盡諗住飲杯咖啡食個下午茶。見到呢間西餐廳冇乜人，餐牌亦都啱食。兩個人入去叫咗兩個下午茶。我叫咗法式丹麥吐司配鮮果及雪糕。朋友叫咗煙三文魚牛油果醬炒蛋全麥多士。估唔到$70有咁嘅水準，有圖有真相。我個多士鮮果雪糕真係靚靚，打卡一流。朋友個煙三文魚多士就走實際路線。有外表有內涵兩個人加埋唔使150慢慢坐傾吓偈實在賞心樂事。

初一陪完家人陪女友。大時大節搵嘢食比較困難，因為想飲杯酒，所以去咗呢間Delifrance.下午四點零鐘啱啱配合到下午茶時間，兩兜友叫左個雪糕法式多士例牌配杯熱齋啡。另外就要咗個三文魚煎蛋配多士。法式多士有3塊，啱啱做好新鮮熱辣夠晒鬆軟；配個雪糕無論造型味道都極佳。七十零蚊加埋嘢飲極抵。另外三文魚煎蛋多士就一般般。但加個法國波爾多紅酒白酒每杯都係$39。埋單二百零蚊，服務好，坐得舒服，性價比極高。

見到唔係好貴，今日仲有得加$18有半個燒雞，所以我哋入咗去食叫左個二人set，先嚟有沙律、雜菜湯或者蘑菇湯揀，佢哋揀咗兩個都蘑菇忌廉湯，好creamy，啖啖菇蓉。之後就有兩個主菜，我哋揀咗1.草飼牛柳配烤薯紅酒汁擺盤好精緻，睇得出火候掌握得非常之好，外脆同埋中間係粉紅色，肉味香濃。2.Bistro招牌海鮮飯海鮮飯有啲似意大利飯嘅質感，有嚼勁。有煎鱈魚、青口、蝦、魷魚、蜆，鮮味十足，必食！我地用加配左＄18香草檸檬烤雞（半隻）。賣相十分吸引，皮脆肉嫩，切落去爆曬啲雞汁出嚟勁Juicy，性價比極高可以配兩杯凍飲、同甜品法式蝴蝶酥配雪糕

其實屯門都幾多野食架，今次同朋友黎食法國菜😍環境都勁有外國feel😈佢地仲有烘焙產品及甜品🥰凡堂食惠顧滿指定金額，可免費獲贈小食拼盤一客🤩🎃炸軟殼蟹鮮南瓜燴飯 $128朋友叫左套餐，配雜菜湯加飲品🥰🥰軟殼蟹外脆內軟，炸後仲保持到鮮美既口感，無淋，仲好脆，南瓜都幾香甜，成件事幾match😍😍☕️熱有機雜莓茶雜莓帶有酸甜，都有茶香😛🍝羅勒青醬牛柳粒意粉 $122青醬都幾香，牛柳粒好鮮嫩，唔會太硬同太淋，意粉軟硬適中😏🧋錫蘭滋味(跟餐+$10)就係雪糕加錫蘭奶茶，味道正常發揮☺️Délifrance Bistro (屯門)📍屯門屯隆街1號錦薈坊3樓316號舖