斗滾 (適安大廈)

營業中

休息中

呢間嘢真係好爆好多人，早幾日book位都好難book到靚時間，就好奇到底有幾好食。食物種類好豐富，會先食雞煲，然後再食海鮮之後再打邊爐，雞煲即炒即食好嫩滑，而且調味啱啱好唔會太濃味或者太清淡，仲可以無限任食超級抵鮮每個人頭一款，賣相睇落超級吸引，食落都好食有鮮味，清甜。最後打邊爐我哋叫咗竹絲雞煲湯底，個湯可以飲咗先係足料嘅煲湯味絕對唔係用味精湯底，好驚喜，而且牛肉好有牛味仲可以無限任食，成件事個質素非常好。重點以一間任食餐廳嚟講員工嘅服務質素非常之好，而且價錢都唔貴，會介紹多啲朋友嚟食。