弁慶 御好燒 鐵板燒

營業中

休息中

📍 弁慶 御好燒 鐵板燒 (中環)中環士丹利街11號Stanley 11 6樓香港御好燒選擇不多，再加上鐵板燒，真係買少見少。最吸引的地方是有兩位日本人親自主理，體驗地道日本菜，增加不少氣氛。海老煎得很香脆，將蝦身壓扁，容易入口，亦唔會浪費每一個蝦的部份。芝士免治雞肉燒裏面包含雞脆骨，淡淡有咬口，非常過癮，配上濃厚嘅芝士好和味。蠔大阪燒(期間限定)限定呢一個字眼真係冇得輸，御好燒上面鋪滿燒蠔，稍為煎上下面，保留裏面嘅嫩滑，亦唔會令蠔縮水，入口即溶，蠔味十足。蕃茄水牛芝士大阪燒蕃茄的酸味令整個大阪燒減去油膩感，師傅仲好貼心提醒我哋可以額外加佢哋特有嘅鰹魚粉，青海苔，將大阪燒嘅風味更加呈現出嚟。