影片
更多
2024-04-10
33 瀏覽
好耐之前已經想試呢間居酒屋，放長假就一於試吓。我哋揀咗除鞋坐坐墊，真係好有風味。首先嗌咗三文魚層層疊，賣相好特別，上面係沙律醬同芝士，中間係三文魚腩，下面係四件軍艦，成件事都好好食。另外係明太子醬厚燒玉子，燒玉子夠熱，入面明太子份量啱啱好，同個蛋好夾。之後要咗牛油果山葵漬同味噌青瓜，兩款都係冇試過喺其他餐廳食。牛油果山葵漬好好食，牛油果同醬汁再加埋Wasabi，調得好好味。味噌青瓜嘅味真係一大條匙羹上面，店員會用火槍加熱，再用青瓜點嚟食，都幾特別。另外去居酒屋一定要嗌蟹味噌甲羅燒，份量幾多，食落好鮮甜，呢度仲會配埋多士條俾我哋點啲蟹膏嚟食，估唔到都幾夾。我哋仲要咗個滿滿海膽杯，賣相一流，用料都好足，有好多三文魚子、海膽同角切三文魚，真係必嗌之一。最後係清酒煮蠔，一鍋有半打，啲生蠔隻隻都大粒鮮甜，飲埋個湯底真係好正。
首先嗌咗三文魚層層疊，賣相好特別，上面係沙律醬同芝士，中間係三文魚腩，下面係四件軍艦，成件事都好好食。
另外係明太子醬厚燒玉子，燒玉子夠熱，入面明太子份量啱啱好，同個蛋好夾。
之後要咗牛油果山葵漬同味噌青瓜，兩款都係冇試過喺其他餐廳食。牛油果山葵漬好好食，牛油果同醬汁再加埋Wasabi，調得好好味。味噌青瓜嘅味真係一大條匙羹上面，店員會用火槍加熱，再用青瓜點嚟食，都幾特別。
另外去居酒屋一定要嗌蟹味噌甲羅燒，份量幾多，食落好鮮甜，呢度仲會配埋多士條俾我哋點啲蟹膏嚟食，估唔到都幾夾。
我哋仲要咗個滿滿海膽杯，賣相一流，用料都好足，有好多三文魚子、海膽同角切三文魚，真係必嗌之一。
最後係清酒煮蠔，一鍋有半打，啲生蠔隻隻都大粒鮮甜，飲埋個湯底真係好正。
張貼
