Fish & Chick (禧利街)

Fish & Chick作為養Belly日記第90日今次揀咗間位於上環嘅餐廳，主打英國🇬🇧傳統美食fish & chip 同香草烤雞。堅持即叫即炸，保證熱辣辣，送到你枱面。午餐（頭盤+主菜+飲品）自家製蘑菇湯 （+$12）濃厚嘅蘑菇蓉湯，口感非常濃稠，每啖都係蘑菇。配上淡淡忌廉，添加唔少層次。自家製炸鹹鱈魚蓉配沙律 足料炸鹹鱈魚蓉波，入面充滿啖啖肉，鹹甜好平衡，好好食，配上魚柳醬，味道更加突出。傳統英式炸魚配薯條 （$98）餐廳提供左唔同品種嘅魚選擇，有本地、英國等。小編今次揀咗狹鱈魚（阿拉斯加），即叫即炸，外脆內軟，細膩滑嫩，啖啖肉。當然唔少得有香脆薯條🍟烤雞半隻配粟米（$108）出名嘅香草烤雞，烤得啱啱好，完全保留到肉質同肉汁，表皮仲香脆可口。鮮橙汁（+$12）鮮橙汁豐富粒粒燈。熱情果檸檬特飲（+20）兩種唔同水果，味道好fresh，酸酸甜甜，開胃解膩。