影片
更多
2013-10-28
1992 瀏覽
今次黎到呢間－勝博殿，同行既朋友間中都會黎食，所以都俾左 d 耐性等一下。不過都係等左大概半個鐘，十張枱左右就有位，都唔算特別耐。好好玩既磨芝麻 手指指咁樣落左幾樣野食，侍應就自動波上左好多野上枱，侍應問洗唔洗講解，雖然同行既兩位都黎過好多好多次，可能就快食到 2036，不過我都係叫左侍應講一下。情況係咁既，每人會有一碗未磨既黑白芝麻，要自己磨完再加 d 豬排醬用黎點吉列豬排既。努力過後，其實要磨到咩程度都係見人見智既 開胃既沙津菜一大盤既沙津菜，好似好大咁，但其實六小碗左右就食完~ (三個人一齊食既 =v="侍應姐姐係講解既時候好似話可以加枱上面果兩支醬汁撈撈佢食既，咁當然唔洗問，落幾多識隨尊便啦。而呢 d 沙津菜亦都係任添既。。 (咦！？加左少少調味既沙津菜，其實 d 醬幾好味，應該都算係開胃前菜，同食到你飽既 "飯後食品" 原汁原味既炸豬排主食上得都幾快，磨完芝麻，撈完沙津菜，再食兩三啖就已經開始上枱。呢個係特上級炸豬排套餐，有一小碟鹽同檸檬作少許調味。味道唔錯，食落都唔會成啖炸粉，豬排都好軟，點一下自己辛苦一輪既芝麻豬排醬，亦都係有另一番風味～ 伴飯一流既味噌豬排套餐呢
今次黎到呢間－勝博殿，同行既朋友間中都會黎食，所以都俾左 d 耐性等一下。不過都係等左大概半個鐘，十張枱左右就有位，都唔算特別耐。好好玩既磨芝麻
手指指咁樣落左幾樣野食，侍應就自動波上左好多野上枱，侍應問洗唔洗講解，雖然同行既兩位都黎過好多好多次，可能就快食到 2036，不過我都係叫左侍應講一下。
情況係咁既，每人會有一碗未磨既黑白芝麻，要自己磨完再加 d 豬排醬用黎點吉列豬排既。
努力過後，其實要磨到咩程度都係見人見智既 開胃既沙津菜
一大盤既沙津菜，好似好大咁，但其實六小碗左右就食完~ (三個人一齊食既 =v="
侍應姐姐係講解既時候好似話可以加枱上面果兩支醬汁撈撈佢食既，咁當然唔洗問，落幾多識隨尊便啦。
而呢 d 沙津菜亦都係任添既。。 (咦！？
加左少少調味既沙津菜，其實 d 醬幾好味，應該都算係開胃前菜，同食到你飽既 "飯後食品" 原汁原味既炸豬排
主食上得都幾快，磨完芝麻，撈完沙津菜，再食兩三啖就已經開始上枱。
呢個係特上級炸豬排套餐，有一小碟鹽同檸檬作少許調味。味道唔錯，食落都唔會成啖炸粉，豬排都好軟，點一下自己辛苦一輪既芝麻豬排醬，亦都係有另一番風味～
伴飯一流既味噌豬排套餐呢個就係有味噌鍋既豬排套餐，雖然主菜幾乎同時上，我地亦都唔係食呢個有汁既先，但係 d 豬排都仲未俾 d 汁整軟左，食既時候都仲係好脆。唯獨係覺得呢個味噌口味唔係特別岩我口味，個味噌有點太過搶左豬排既肉味。
不過呢，作為伴飯都應該幾唔錯既。
味道一流既黃金味噌千層錦呢度間中會有一張獨立 menu 推介一 d 唔同特色既套餐、食品，呢期個主題係「秋祭．黃金味噌千層錦」。而我地叫既呢個係 黃金味噌千層錦伴豬柳卷套餐。 (個名真係好長，係咪以前 d 名好聽 d 同短 d 既呢
個 "千層錦" 雖然同 menu 上面個樣好唔同，個樣無咁圓既，不過味道絕對一流。口感就同特上豬排有少少唔一樣，肉質比豬排鬆一 d (可能因為呢個係一片片豬肉既關係)。中間個汁，形容唔到，但我絕對推薦大家試呢個，真係好好味~
個豬柳卷有唔同口味揀既，我地就揀左芝士味。芝士向中間，旁邊有好多好多一片片既豬肉，卷起黎炸成既。味道唔錯，真係完全唔洗點辛辛苦苦整出黎既醬都好好食。跟套餐有既飯同麵豉湯
仲有仲有講番一下，套餐其實仲有飯同麵豉湯，飯可以揀白飯同糙米飯。
重點係，都係任添，所以都唔洗擔心食唔飽
總結：絕對值得一試～
呢間勝博殿食物水準真係一流。
當食牛店開到通街通巷，仲要價錢由好平到好貴都有既時候，不奇然應該會有個路人甲問：「邊度會有人食咁貴既豬排㗎？」
當然啦，大家都各有喜好，呢句亦都純粹係我虛構出黎既，但係食呢方面有時轉轉口味，試下新野，其實都無咩壞 je。
是米 =v=?
題外話/補充資料：
雖然我地三個人叫左三個餐，但係豬排既份量好似少左少少，如果可以有得揀大份 d 既豬排就好啦~
(以上食評乃用戶個人意見 , 並不代表OpenRice之觀點。)
張貼
