濟州燒肉食堂

營業中

休息中

今日去咗九龍灣嘅濟州燒肉食堂試吓，叫咗個究極黑毛豬盛宴，真係幾抵食㗎！個套餐包咗好多嘢，有濟州黑毛豬梅花肉、大牛骨、牛小排、和牛牛五花、大蔥切牛舌，仲有海鮮煎蔥餅添！ 另外我地就叫多左個泡菜豬肉湯刀削麵😚首先講吓啲燒肉😎黑毛豬梅花肉肥瘦啱啱好，入口油香四溢，唔會太膩；大牛骨同牛小排都好腍，肉味濃郁，尤其係牛小排，入口即溶，正呀😜 和牛牛五花就肥啲，但係燒完之後油脂香氣十足，夾埋生菜同大蒜，味道好豐富啊😉大蔥切牛舌就比較有口感，蔥嘅香味同牛舌嘅鮮味融合得好好😌仲有海鮮煎蔥餅同泡菜豬肉湯刀削麵😙個煎蔥餅金黃香脆，海鮮料都幾足料；泡菜豬肉湯刀削麵個湯底夠晒惹味，酸辣適中，刀削麵夠晒彈牙，食完暖笠笠🥰飲品方面，試咗濟州特飲同青檸梳打🍹濟州特飲幾特別，甜甜地帶少少果香，幾解膩；青檸梳打就酸酸甜甜，好醒胃😗呢間濟州燒肉食堂嘅質素同價錢都幾成正比，服務態度都唔錯，值得推薦俾大家試吓！下次想再試吓佢哋其他嘅菜式！