QUE (MOKO新世紀廣場)

營業中

休息中

最近鐘意咗食QUE，佢係一間主打食日式西餐嘅餐廳，簡約嘅日式裝修令人眼前一亮，感覺清潔又舒適，佢哋二人餐包括有餐湯/沙律、小食、主食、壽司塔可、甜品同飲品，豐富又抵食。是日餐湯係南瓜湯，綿密嘅口感，南瓜味道濃郁。小食脆炸單骨雞翼配辛子明太子醬雞翼皮炸得好脆，估唔到份量都算幾多，單骨方便食用，趁熱食非常香口，點埋辛子明太子醬口味一流。軟殼蟹壽司塔可fusion菜式，將日本壽司同墨西哥taco結合，再用脆口嘅紫菜包住餡，餡料豐富。香脆軟殼蟹、牛油果、沙律菜同壽司飯，有創意又好味。鰻魚玉子壽司塔可用咗豐富嘅松葉蟹海膽醬製作，仲食到蟹肉、蟹柳、蟹籽，口感層次豐富，松葉蟹味增甲羅燒意大利飯配海膽忌廉醬 擺盤好靚，份量比想像多，上面鋪咗甲羅燒，有勁多蟹膏再撈埋蟹肉同蟹籽，食落口感十分creamy.食埋甜品就完美啦，我哋揀咗京都宇治抹茶提拉米蘇盒子配 糖漬紅豆，抹茶味好突出，口感濕潤，食落底系飽滿嘅紅豆粒粒，好好味。