Y Pasta

今日黎到沙田一個全新裝修的商塲逛街食晏，之前有朋友介紹商場有一間餐廳，主打手工意粉，就去一試。感覺餐廳裝潢清新，格調優雅，好舒適！睇吓餐牌，套餐好多選擇，有沙律、意大利粉、薄餅、意式軟包，款式非常多！～香辣冬陰公肉碎意粉～用冬陰公煮嘅肉碎意粉，酸酸辣辣好醒胃！佢嘅意粉彈牙而少少煙韌，仲好多款式選擇，例如有手製寬帶麵、手製絲帶麵、介指粉等等......好多選擇啊！～香濃野菌湯～濃濃野菌香味，仲飲到湯入面有粒粒野菌碎，湯濃滑而有口感！餐湯加$10可轉忌廉龍蝦湯或法式浮台洋蔥湯！～黑松露野菌醬薄餅～薄餅用黑松露醬加松子、芝士焗，餅底薄脆好香口，食落啖啖黑松露和芝士香味，好夾！