Cakebearbear

營業中

休息中

地址－Cakebearbear北角電氣道233號城市花園商場第10座地下G45號舖💋明太子忌廉大蜆意大利粉，呢個意粉上菜時見到簡直心心眼，碟意粉係呈現出淡淡的粉紅色，再用D蜆圍住係側邊，勁有心思，而D蜆佢好大隻之餘，又唔會有砂，可以好放心咁食，而意粉方面，食落勁 CREAMY，口感爽滑，唔好睇佢份量唔多，但實際都勁飽肚。💋蒲燒原條鰻魚炒飯，佢一上菜時真係忍唔住嘩左一餐，條鰻魚好大條，而且勁厚肉，基本上可以確保到你每啖飯都能夠用鰻魚配上，而且佢條鰻魚係完全冇骨，佢配上的鰻魚汁好香濃，配上相對冇咁濃的珍珠米炒飯一齊食，味道層次豐富，好正！💋香脆薯角配黑松露醬，呢個薯角真係岩岩新鮮炸起，真係見到佢有煙出，所以食的時候要小心，唔好辣親，我好怕薯角會整得太鹹，而呢度的薯角味道都唔錯，唔會話太鹹，而且佢炸到勁脆身，好令人欣賞，佢配埋個黑松露醬，味道昇華左唔少。💋千語星晨，呢杯飲品睇落真係好適合用黎打咭，最吸睛絕對係頂頭個隻熊仔造型的冰，絕對謀殺左唔少的儲存空間，而佢唔係用水整成，所以就算佢溶晒都好，都唔會令到杯飲品變淡，呢個做法好貼心，而且佢杯飲品飲落酸酸甜甜咁，解膩作用一流。