Peek-A-Poke (heath慶方)

營業中

休息中

收工之後想同朋友出街食，但係又唔想食得太heavy，可以試下呢間peek-a-poke，主打低碳水高蛋白質，食多啲都唔怕肥嗰隻🤭尖沙咀分店位置係重慶大廈隔離嘅地庫商場。去到門口見到Menu有好多選擇，除咗可以自己揀配料同醬汁，都有佢搭配好嘅特色風味碗，今次我哋就揀咗兩款風味碗試吓🙆🏼‍♀️📌加洲風味 追加酸蘿蔔呢款有三文魚青瓜等等，同埋揀咗珍珠糙飯加沙律菜做底。三文魚唔會腥有鮮味，同青瓜 酸蘿蔔 芝麻醬mix埋一齊食 ，口感夠豐富又好味📌吖嘻先生呢款有吞拿魚，枝豆同香菇等等。吞拿魚除咗唔腥，都唔會話有根好韌。揀咗壽司飯加沙律菜做底，再mix埋好惹味嘅wasabi乳酪醬一齊食，飽肚好味兼夠蛋白質📌炸薯蝦出面係薯仔絲包住隻蝦再炸，食落香口又唔怕有罪惡感📌蜂蜜綠茶除咗綠茶香味仲有淡淡嘅蜂蜜味，飲落唔會好甜又解膩📌士多啤梨奶昔唔會同出邊嘅奶昔一樣有香精味，飲得出佢係用新鮮士多啤梨整嘅，酸酸甜甜好快飲晒一杯