影片
更多
2025-06-16
74 瀏覽
好耐冇去東大街附近食嘢，行行吓發覺有條隱蔽嘅小巷入面有間居酒屋。雖然有啲隱蔽，但係入面坐滿好多識食嘅姨姨叔叔👀入到餐廳見到牆上貼住好多相同手寫嘅黑板，再加埋出邊嘅魚缸，相信係主打日本直送食材嘅餐廳！有啲似去咗日本嘅感覺-日本厚岸生蠔🦪北海道嘅厚岸產生蠔第一次食～好新鮮，好重礦物鹹鮮，我好少讚日本生蠔好食！👍🏽晚市套餐有好幾款～仲要包埋前菜，茶碗蒸同湯。今次前菜係甘醋漬機粒貝，未試過前菜會係🐚好新鮮好彈牙！-蒲燒鰻魚飯🐟鰻魚好大條！好似平時出邊食嘅一倍😨魚皮焦脆如海苔，肉質卻保持嫩滑。-照燒間八魚扒🐠Menu最尾寫住隱藏，原來每日都唔同～間八魚扒有厚切兩大塊！照燒醬加埋上面嘅菇同紅椒，呢個配搭幾得意！而且魚扒好新鮮。-池魚刺身（原條）🦈唔使講就咁睇相都知有幾新鮮。本身冇諗住叫魚刺身，但發覺佢地有多款刺身級魚提供，就梗係試吓。嚟到賣相好靚🥹師傅刀工好好！魚肉切成透光薄片鋪成扇形，除咗可以點芥末，仲可以拌蔥花薑！鮮甜度真心我比滿分！真心好好食-生啤🍻生啤Suntory做緊買一送一！！拎黎配生蠔同魚生一流
入到餐廳見到牆上貼住好多相同手寫嘅黑板，再加埋出邊嘅魚缸，相信係主打日本直送食材嘅餐廳！有啲似去咗日本嘅感覺
-日本厚岸生蠔🦪
北海道嘅厚岸產生蠔第一次食～好新鮮，好重礦物鹹鮮，我好少讚日本生蠔好食！👍🏽
晚市套餐有好幾款～仲要包埋前菜，茶碗蒸同湯。今次前菜係甘醋漬機粒貝，未試過前菜會係🐚好新鮮好彈牙！
-蒲燒鰻魚飯🐟
鰻魚好大條！好似平時出邊食嘅一倍😨魚皮焦脆如海苔，肉質卻保持嫩滑。
-照燒間八魚扒🐠
Menu最尾寫住隱藏，原來每日都唔同～
間八魚扒有厚切兩大塊！照燒醬加埋上面嘅菇同紅椒，呢個配搭幾得意！而且魚扒好新鮮。
-池魚刺身（原條）🦈
唔使講就咁睇相都知有幾新鮮。本身冇諗住叫魚刺身，但發覺佢地有多款刺身級魚提供，就梗係試吓。嚟到賣相好靚🥹師傅刀工好好！魚肉切成透光薄片鋪成扇形，除咗可以點芥末，仲可以拌蔥花薑！鮮甜度真心我比滿分！真心好好食
-生啤🍻
生啤Suntory做緊買一送一！！拎黎配生蠔同魚生一流
張貼
