影片
更多
2025-02-26
121 瀏覽
鐵板燒、串燒…如果再加埋清酒放題，會唔會太誇張？如果再隊多個牛奶冰，會唔會太豐富？喺觀塘嘅板神居酒屋，就係有咁誇張豐富嘅嘢食嘢飲。呢度嘅環境好似日式居酒屋咁，但佢最勁嘅係嘢食嘢飲嘅選擇非常多，特別係清酒，起碼有10個雪櫃係淨係擺清酒😆。清酒任飲（每位） $298呢度最勁嘅莫過於清酒放題任飲。同坊間一般嘅任飲唔同，呢度嘅清酒放題，係由專業唎酒師逐枝推介同解釋，所以係會飲到好多種唔同風味嘅清酒，兼且會學到好多嘢。另外，呢度有好多鐵板燒set，亦有散叫Menu。我哋揀咗呢幾款，質素都相當唔錯。特別係羊架，師傅整得好專業，擺盤亦好靚，但其實只係百幾蚊。鐵板燒羊架（2件） $168鐵板燒大蝦 $88鐵板燒比目魚 $108喺鐵板燒師傅隔籬就係爐端燒。呢度整嘅串燒，夠晒熱，最重要係燒嘅時間啱啱好，特別係牛舌芯呢啲，真係好考師傅嘅功夫。牛舌芯 $58雞腿筋肉 $40其他嘢食亦好講究，包括好抵食嘅甲羅燒，襯酒無敵嘅鱈魚乾壽司、賣相意外地唔錯嘅壽司、味道相當足夠嘅玉子燒等等，真係有太多選擇，而且多數嘅價錢都好親民。松葉蟹甲羅燒配薄脆 $68燒鱈魚乾 $48帆立貝壽司 $48三文魚魚籽壽司 $38櫻花蝦玉子
如果再隊多個牛奶冰，會唔會太豐富？
喺觀塘嘅板神居酒屋，就係有咁誇張豐富嘅嘢食嘢飲。呢度嘅環境好似日式居酒屋咁，但佢最勁嘅係嘢食嘢飲嘅選擇非常多，特別係清酒，起碼有10個雪櫃係淨係擺清酒😆。
清酒任飲（每位） $298
呢度最勁嘅莫過於清酒放題任飲。同坊間一般嘅任飲唔同，呢度嘅清酒放題，係由專業唎酒師逐枝推介同解釋，所以係會飲到好多種唔同風味嘅清酒，兼且會學到好多嘢。
另外，呢度有好多鐵板燒set，亦有散叫Menu。我哋揀咗呢幾款，質素都相當唔錯。特別係羊架，師傅整得好專業，擺盤亦好靚，但其實只係百幾蚊。
鐵板燒羊架（2件） $168
鐵板燒大蝦 $88
鐵板燒比目魚 $108
喺鐵板燒師傅隔籬就係爐端燒。呢度整嘅串燒，夠晒熱，最重要係燒嘅時間啱啱好，特別係牛舌芯呢啲，真係好考師傅嘅功夫。
牛舌芯 $58
雞腿筋肉 $40
其他嘢食亦好講究，包括好抵食嘅甲羅燒，襯酒無敵嘅鱈魚乾壽司、賣相意外地唔錯嘅壽司、味道相當足夠嘅玉子燒等等，真係有太多選擇，而且多數嘅價錢都好親民。
松葉蟹甲羅燒配薄脆 $68
燒鱈魚乾 $48
帆立貝壽司 $48
三文魚魚籽壽司 $38
櫻花蝦玉子燒 $48
牛油果軟殼蟹卷 $88
三文魚腩壽司 $18
最後一定要提，呢度居然有雪花冰。我哋揀嘅草莓牛奶冰，奶味充足，草莓味道豐富鮮甜，原本唔係好鍾意食冰嘅我哋都好快食晒😆。
糖漬草莓牛奶冰 $98
食完，再拎返起杯熱清酒，咩煩惱都唔記得晒。
張貼
