麵家山下 (已搬遷) 新店位置

今日2個人去到，要排隊。小小店舖望落滿是人，細看店裡只有3，4個位，好似bra 枱咁。出面有3張枱，都坐滿人。好彩等左大約5分鐘就有人離座，剛好同前面2位搭枱。坐低，等老闆娘落單都等左陣，order左2個叉燒拉麵加蛋，一客炸蝦。老闆娘好有活力，雖然中文唔係咁叻，好彩餐牌有晒abcd,講英文都落到單，但呢度係要落完order就比錢既。終於等到麵黎喇，好香~~~叉燒薄切都好有味，唔會好似淨瘦肉咁，同埋啲青葱都好香！唔記得左講我係叫醬油湯，就咁飲湯都唔會太咸，配埋啲麵，煙煙un un，最後係湯同麵都清晒喔！仲有佢隻蛋，中間係流心，好正~~~！食到一半啲蝦先到，原來真係即炸，熱辣辣，外層既木糠唔係厚，唔會食到好似成層皮咁！結果所有野食晒啲湯飲晒，連杯茶都飲埋，食左一人80蚊，可能麵本身唔係太多，如果男仔可能要加底。下次去會試下佢既芝士年糕！同埋試第二個湯底既拉麵！