SuperNormal (淘大商場2期)

營業中

休息中

今日難得放假，過咗淘大開心食lunch睇戲。諗緊食咩嘅時候，見到依間喺金滿堂隔離嘅Supernormal，睇見lunch set餐都好吸引，咁就一於依度啦😀😀。好似井之頭五郎咁食得嘅我，點咗兩份set lunch：燒澳洲穀飼肉眼扒配雜菜餐同牛油果它它脆魚漢堡，咁就可以要哂餐湯同菠蘿烤雞沙律啦🤣🤣。飲品就點要咗凍檸茶，另一杯就加$8升級咗做青瓜薄荷青檸梳打。今日餐湯係忌廉湯，餐湯唔錯，菠蘿烤雞沙律，汁醬係沙律醋，加上菠蘿粒，好清新。燒澳洲穀飼肉眼扒我叫咗五成熟，一切開粉紅嫩肉多汁，面燒得香脆可口，吸引到不得了。澳洲牛肉味通常較香，加上係穀飼牛，所以去肉眼扒好香牛肉味，好好食😋。牛油果它它脆魚漢堡都唔細隻，漢堡包夾住脆魚柳、牛油果他他醬、厚番茄片同生菜。脆魚柳同平時食fish&chips一樣，脆皮外層包住鮮嫩魚柳、再加上牛油果他他醬同厚番茄片，食個漢堡嘅時候一啲都唔乾，好得😆😆。青瓜薄荷青檸梳打嘅青瓜味好出，加上薄荷同青檸，整杯飲品好fresh🍹🍹。估唔到係淘大會有間咁正嘅西餐廳，下次放假再落淘大睇戲的話一於再幫襯先得😁😁。