牧羊少年咖啡館 (白楊街)

營業中

休息中

牧羊少年咖啡館一直都是想去食的食店，而且這間是長期排隊的餐廳，所以要有心理準備，隨時要等四十至五十張枱，視乎你有幾多時間和能耐。這天卒之試了太子分店，平日午餐時間來，等了20分鐘左右，附近有咪錶位，好喜歡木系裝修，雖然不是新鋪，但沒有一點歲月的痕跡，有休閒文青風格，清新又乾淨，值得一題是店員的態度，很有禮貌。今次選擇食小食墨魚丸，白咖喱豬扒飯配雜菜和厚切雞扒蕃茄沙律菜意大利包配薯角；第一次食白咖喱覺得好香又唔辣，豬扒略嫌肥了一點，很多甘筍粒做配菜，感覺健康些。另外更加喜歡煎得剛剛好的厚切雞扒配焗過的意大利包，配上的汁醬好好味，非常夠飽，賣相又靚，薯角份量唔少，好脆，揸炸得剛剛好，好好味。墨魚丸都不欺場，很多墨魚粒。餐飲也值得一讚，有很多款選擇，不需要額外加錢，試了凍的水果茶，和熱的生薑檸檬茶，而且熱飲不是小杯裝的（因為很多時配上的熱飲都很細杯，根本唔夠飲），加$12還可以叫拉花咖啡呢！這裏價錢唔算貴，值得排隊去吃。