牧羊少年咖啡館 (白楊街)

今日同朋友嚟到太子呢間小店，試咗兩款主食同特飲，整體感覺幾舒服～✨ 𝐇𝐢𝐠𝐡𝐥𝐢𝐠𝐡𝐭𝐬：▪️ 鮮忌廉黑松露醬雜菌長通粉 $78黑松露香味好出，忌廉汁夠滑，雜菌份量足，長通粉煮得剛好，唔會太軟，推薦畀喜歡濃郁口感嘅你！▪️ 俄式牛仔柳意大利粉 $110牛仔柳嫩口，意粉掛汁能力唔錯，味道偏濃，如果鍾意重口味可以試吓～🍹 飲品方面叫咗凍橙汁同抹茶牛奶（少冰），抹茶牛奶加$12抵飲，抹茶味清香，唔會太甜。✅ 環境：細細間但乾淨，適合慢食傾計✅ 人均：$100左右（今次埋單$207，包10%服務費）📍 太子白楊街27-29號嘉安大廈地下1號舖✨牧羊少年💡 總結：性價比不錯，係太子區一個輕鬆用餐選擇，會再encore個黑松露長通粉！…查看更多

今晚同朋友晚飯，最初服務好好，相信對方係經理，食物方面都ok。後來約9點半，年輕女服務員特登過嚟斟水（全晚食飯都冇斟過），並將杯大力放回枱上，相信係提醒我哋應該要離開，阻住佢哋收工，其實可以大方同我哋講，唔需要用呢種方法令到原本加分變減分☹️☹️…查看更多

以前幫襯過其他牧羊少年咖啡館分店，原來這間太子店是元祖店。餐廳位於小街，閒日晚市入座率都有近八成，以現時的市道來說已經不錯了。食物質素不俗，環境寧靜，方便傾偈，服務到位。點了一個2人套餐$428。前菜選了參巴鮮茄煮沙白大蜆。蜆不算很大，份量適中。醬汁微辣惹味，略蓋過蜆的鮮味。即場入會做會員送咗客迎新小食 - 燒汁焗八爪魚丸。八爪魚丸新炸起熱辣辣，爽口彈牙，配上燒汁出奇地好吃。主食兩客，選了金沙咸蛋黃鳳尾蝦意大利粉。咸蛋醬不太油膩，味道跟口感都不錯，惟蝦只得4隻，慷慨點會更好。鹽麴燒比目魚，伴烤澳洲西蘭花及普羅旺斯燉菜。比目魚煎得皮脆肉嫩，配菜都煮得入味好吃。飲品大部分都不用額外加錢，選了栗子燕麥奶沙冰，栗子味濃，比想像中好飲。冰梨無花果白桃烏龍芝士奶蓋，配搭看似特別，飲落正正常常，沒特別驚喜。甜品為開心果味的Häagen-Dazs雪糕。另一客+$58 upgrade焙茶心太軟蛋糕，配焦糖脆餅雪糕。心太軟熱辣辣焗起，外皮微脆，流心醬順滑，焙茶味濃郁，味道很好。…查看更多

週六同阿sir學整鹹包酥包～放lunch唔知食mak好因為唔熟太子個頭～有同學仔提議去牡羊少年咖啡館因為佢之前同朋友食過tea覺得都唔錯～於是一行四人就決定齊娃娃去試下。暗調嘅餐廳環境好舒服～我幾鐘意。因為放飯得一小時時間所以各人都選擇咗set lunch。👉蝦頭油鳳尾蝦香辣肉碎意大利粉～辣辣哋、蝦幾大隻兼彈牙～幾惹味～😋🤤😍👉紅酒燴牛肋條配藜麥香米飯同烤澳洲西蘭花～好夠味不過牛肋條有啲好嫩有啲稍韌～😅👉炸魚柳奶油漢堡包伴薯條～原本係配蕃薯條不過今日無蕃薯轉咗薯條～魚柳炸得好香脆～🤤😋食飽飽又趕住返去繼續寫整包～同學仔個個都話幾好味～下次再嚟過。#牡羊少年咖啡館#太子美食…查看更多

牧羊少年咖啡館其實早幾年前已經聽過，但感覺都係一般cafe 無吸引我特登去試。直到早兩日路經附近，食肆唔多，係無選擇下就入咗呢間餐廳試下。入到去係比想像中舒服闊落嘅格局。枱係坐得舒服嘅，服務就屬一般。簡單點咗幾樣野：鮮忌廉野菌煙三文魚長通粉，通粉份量正常，女仔應該會夠飽，男仔食就可能唔太夠。 賣樣幾靚，煙三文魚份量好多，濃厚嘅忌廉包住每條通粉，好味。美中不足係唔夠熱。好味指數：流心蛋腐乳卡邦尼長通粉，同樣地，通粉份量正常，女仔應該會夠飽，男仔食就可能唔太夠。佢嘅味道唔屬於正宗嘅卡邦尼，所謂嘅腐乳同芝士好似，但卡邦尼本身就唔會加芝士所以感覺偏向芝士長通粉多d,要讚嘅係蛋汁撈埋嚟食都幾香。未知係咪唔想整熟d蛋汁，所有通粉同樣係唔夠熱。好味指數：照燒汁煎乾蒜美國牛柳粒，抵！份量屬多，煎得好好食，唔乾唔柴，亦無筋，醬汁微微吊下味，香口。好味指數：凍朱古力牛奶咖啡，男朋友點嘅，自問唔係咖啡愛好者，所以未能評價，但男朋友話好飲。好味指數：NIL凍蘋果肉桂香檸冰茶，驚喜！好香嘅肉桂味，入口第一啖真頭係蘋果批出現爐嘅味道。唔會太甜，飲到每樣材料各自嘅味，我自己非常中意。但男朋友就嫌肉桂味太濃，似飲緊香精😂好味指數：食咗大概HKD400, 話平唔平，食物係中上水準。但我可能會為左杯凍蘋果肉桂香檸冰茶再幫襯…查看更多

員工處理方式不友善:(雖然沒有fine dining 質素，但也不至於茶餐廳服務吧多做一步其實也不會令客人不好受多年光顧換來從不想再錄用的餐廳沒有預約的情況下想寫生日字二人套餐內包有兩款甜品，原先點了瀑布蛋糕但因設計問題不可以寫字，能接受但改在心太軟或蛋糕下寫字也被拒絕，待應更希望我們多點一個甜品寫字可能三個人加一小孩吃三個甜品也不出奇其實多在客人想一步，生意持續及維持客量也不為過可能沒有大碟不能寫吧，也可能沒有提早預約不能寫吧？最後更因沒有貨的關係連100元現金也沒有…查看更多

好適合打卡📸📸📸雖然呢間牧羊少年咖啡館唔算大但感覺環境幾温馨、幾舒服👍🏻～～～同朋友一齊去食每人叫唔同野試吓個湯幾重蘑菇味，幾creamy🍄‍🟫🍄‍🟫🍄‍🟫～～～蘋果批影相幾好睇唔算太甜佢嘅嘢食都比較健康感覺唔錯…查看更多

俄式牛仔柳意大利粉 (Beef Stroganoff Spaghetti) 牛柳肉味濃、肉質很嫩。亮點係醬汁配上酸忌廉，令到整個意粉味道層次更豐富。之前試過好好飲嘅橙色歲月Orange Days, 今次想試下另一特色咖啡 - 歡樂葡萄Dancing Grapes Creative Coffee。Grape Juice + Espresso + 提子味爆炸糖 估唔到咁夾，係好完美嘅凍咖啡組合。…查看更多

很久以前已經光顧過牧羊少年咖啡館的白楊街老舖，個時既每張枱都系碎花布，真系好中意，幾年前佢地既分店漸漸都重新裝潢，同以前既感覺唔同哂，特別系白楊街老舖，變化好大，無左原有特式！加上牧羊少年咖啡館分店越來越多，真系好耐無去過老舖~今次嚟食，最大既感受就系啲意粉好油，唔知系咪因為其中一個系蝦頭油，但連牛肝菌汁雜菌大啡菇意大利粉都一齊油，可以話系我幫襯佢地食過最差既一次，因為經常光顧他們家其他分店，同其他分店比較下，短期內不會再來了~不過也會給個機會，畢竟呢一間系佢地既老舖，事隔耐少少會再回來再看看有沒有正常發揮~價錢來說，太子老舖既地段，定價唔會太高，性價比唔錯~Portabella mushroom spaghetti in porcini sauce牛肝菌汁雜菌大啡菇意大利粉HK$78 *另外加一服務費Shrimp & minced meat spaghetti蝦頭油鳳尾蝦香辣肉碎意大利粉HK$98 *另外加一服務費最近都系去番雅蘭商場分店，好食~…查看更多

✨文青必到 牧羊少年咖啡館✨💠💠💠💠💠💠💠💠假日中午去食晏，都比較多人，不過好快就有位～有一段時間冇嚟，所以都唔係好記得佢哋有咩食～兩個人點咗兩個餐加一個甜品🥰其中一個揀咗burger，冇乜特別，所以就唔喺度講啦～不過另外嗌咗一個Pizza幾特別❤️💠千島香芒牛油果雞肉薄餅Pizza係即叫即整，出到嚟熱辣辣，好香～而且千島醬配合芒果同牛油果，簡直係絕配！！夏日炎炎食呢款pizza真係啱晒🌸雞肉都好嫩滑，食到停唔到口😂💠卡魯哇咖啡酒提拉米蘇呢款Tiramisu同平時食開嘅有啲唔同，佢冇平時嗰種咁濕潤嘅感覺，我覺得有啲偏乾，如果鍾意食開好Creamy嘅tiramisu朋友就應該唔啱啦~ 不過佢哋嘅咖啡味好濃，鍾意飲咖啡嘅朋友值得一試！💠抹茶牛奶雖然佢哋嘅咖啡比較出名，不過我都係想試吓佢哋嘅抹茶牛奶～飲得出佢哋用優質嘅抹茶🍵好香濃，唔錯🌸總括嚟講，性價比高，而且環境舒服，而家比較少唔會趕人走嘅Cafe🙈🙈如果鍾意坐Cafe嘅朋友一定要嚟✨餐廳環境：🩵🩵🩵🩵🩵/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5…查看更多

去太子真係諗唔到嘢唯有就上OpenRice望吓啦見到呢間唔錯就去試吓，大概下晝2:30左右冇乜人嘅一去到已經有位首先侍應俾咗一張餐牌，我覺得OK喎不過今日假期所以比平日係貴啲本來一個下午茶要一杯flat white 係要加$16平日只係$8 所以就叫咗兩個下午茶，大家不約而同都係免費飲品，一杯就係綠茶只係一個茶包加熱水而另一杯就係冰水果其實就係西柚同埋鮮橙茶底OK嘅叫咗一個漢堡包芝士豬扒味道剛剛好另一個就係三文魚蛋多士同埋牛油果蛋多士都係剛剛好嘅我哋大家每人一半可以試吓整體嚟講坐喺呢度傾偈係唔錯嘅食物質素都係好嘅價錢合理如果平日更加抵😆服務態度都OK呀，不定時都有人執枱！可以再去㗎，因為整體嚟講都係OK ！如果喺旺角太子講食物質素真係好難搵到一間🫣…查看更多

德福開左新連鎖Cafe 牧羊少年，lunch 日日都大排長龍如果lunch 想食又唔想排咁耐，原來可以系Gulu 攞位，到時到候再去就得午餐時間有set menu ，包一款主食再加餐湯，價錢有少少貴，不過都尚算合理餐湯係蘆筍湯，份量偏細，口感都幾順滑，飲咗幾啖就冇嚕咖喱雞$108咖喱雞係泰式咖喱雞，有好重嘅椰香味雞嘅份量都有五、六嚿，雞肉有少少鞋，份量OK嘅另外有一嚿炭燒菠蘿，酸酸甜甜，都幾好食嘅不過個紅米飯唔係太多，男仔食應該唔夠飽…查看更多

曾幾何時屋企附近都有一間牧羊少年，都講緊8、9年前啦。甘岩去整車，發現對面有一間裝修昏暗既西餐廳，原來係牧羊，等拎車就過對面食。架車唔生性要整幾次，所以我都食左幾次，試真啲先上黎寫。甘岩食第一次時，佢有優惠coupon比我可以幫襯第二次。牛油果香芒烤雞沙律配日式胡麻醬色彩繽紛，有視覺享受，好味，有生果（芒果）有肉(雞扒)，仲有nuts, 醬另上，甘豐富嘅配撘，如果女士可以當lunch 食。千島海鮮Pizza 好食，每一格都有一隻大蝦，八爪魚仔，即叫即整。外圈脆內芝士軟，有拉絲效果。12小時慢煮安格斯牛小排配烤澳洲西蘭花日本南瓜新薯芥未醬配菜好好味，薯蓉少少就夠。個扒叫左5成熟，食多幾舊會膩，真係要share。香煎鳯尾蝦香草檸檬意大利粉聞落去有啲怪怪地既，有雀粟既味，但食落去正常ok, 係扁意粉。東京醋汁法國雞翼炸雞翼，食到有醋味，都幾惹味。照燒汁煎乾蒜美國牛柳粒好腍，入味，有DD咸，粒數都多。紅桑子廉芝士奶蓋乳酸飲陣味我老公話似跌打酒，哈哈凍牛奶可可朱古力 少冰一般，朱古力味唔夠濃。…查看更多

牧羊少年，其實不用多介紹，應該是文青最喜歡去的餐廳，不過我都好欣賞背後嘅團隊，細看餐廳的Menu，完全感受到他們用心製作，值得一讚。❤️今次同朋友一行四人，我們享用了四款美食，有沙律、薄餅、小食拼盤和意粉，另外每人叫咗一杯美麗的飲品😆。《🍄牛肝菌大啡菇黑松露醬薄餅》～薄餅用上了希臘品牌出品的餅底，口感似餅乾，同平時出邊食的薄餅有所不同，牛肝菌配大啡菇，味道不錯，適合喜歡吃素的朋友。《🍘小食拼盤（德國香草腸、煙辣腸、法國雞翼、八爪魚丸、唐揚一口炸雞、海鹽薯條）》～這個小食拼盤，非常豐富，滿足一班朋友仔，特別適合飲啤酒的友人，味道正常，沒有太大特別。《🦐蝦頭油鳳尾蝦香辣肉碎意大利粉🍝》 ～ 這個意粉帶些微辣，少少野味，肉碎用上豬肉的，所以不吃牛肉的我可以吃到😆。《🥗火箭菜沙律》 （忘記了名稱）一～ 沙律的汁都幾好味，酸酸的，最喜歡沙律中有果仁，可以多一個口感。平時都有去其他牧羊少年的分店，這間總店第一次去，估不到星期六去人也不太多，坐得很舒服，適合同啲朋友一起去聚餐，坐低傾吓偈。❤️繼續支持！ …查看更多

同朋友2個人叫咗1個牛油果沙律+1個意粉+ Tiramisu + 心太軟! 首先 沙律係有啲驚喜 因為芒果好鮮 另外又有啲Pecan，同埋，佢嘅芝麻醬夠多，每啖沙律都可以點到醬～整體所有料都好夾。意粉就正常～ 甜品方面 2個都好好食！Tramisu中間個蛋糕唔會浸到”腍啤啤”+好重酒味，Cream食落口感好Smooth！最好食係 心 太 軟！佢外脆內軟嘅皮，再加溫度啱啱好夠熱嘅流心抹茶，真係冇得輸。再食多啖雪糕，解一解膩！…查看更多