螢火

尖沙咀又發現一間好味鐵板燒，好多款套餐都好抵食，而且做緊活動，《螢火清酒祭優惠》可以任飲指定清酒（午餐90分鐘，晚餐120分鐘）🤩🤩晚市每兩個人就可以送一份日本拖羅，惠顧午市套餐，都可以優惠價$199換領日本拖羅一份，真係好多優惠😆而且環境都好特別，可以室內放天燈許願，好好玩🥰我哋叫咗營火廚師特選，包括鐵板燒必食嘅澳洲龍蝦，佢加埋蝦膏一齊炒，真係香到爆，蝦肉彈牙夠味，正🤩仲有一直郁緊嘅大大隻南非鮑魚，鮮味十足，加入高湯同三文魚子，配上黑松露醬，好好味😋另外仲有洋蔥湯配白鱈魚，真係好甜，塊皮燒到好脆，啲湯好濃郁，好味。鍾意食鵝肝嘅朋友就啱啦，勁大塊，燒到勁香，好肥美，上面加咗柚子啫喱，再淋啲焦糖汁，酸酸甜甜，可以消滯。之後就上日本A5和牛，真係好香，入面包住蒜蓉，一啖落去，滋味無窮，仲可以加入wasabi醬，更濃味🤩師傅會根據你嘅要求，整唔同嘅熟度，非常好👍🏻之後係鐵板燒必食嘅炒飯，櫻花蝦炒飯，竟然用蘭王，煎到半生熟撈埋啲飯，真係好香好好味，再飽都要食埋佢呀🤩仲有麵豉湯都好用心，將龍蝦頭攞入去一齊煲，非常香。想講女廚師望落好cool，其實非常nice🥰仲主動同我哋飲酒，氣氛非常好😍😍餐廳