川味雞烤魚大王 (大河道)

營業中

休息中

放工突然想食烤魚，就接埋寶貝仔就去揾野食，見到烤魚大王，就決定入到試下，今日係星期一，少人出街食飯，所以我地唔洗等位😄雖然地方細細，但都幾舒服，服務員見我帶左個幼童，就安排坐最邊窗位，最安全，都幾貼心，然後就問我地食得幾辣，但其實我都唔知呢度有幾辣😅於是就話小辣啦！選擇困難症既我，最痛苦就係揀野食，到底食泡椒定麻辣好呢？叫店員介紹，佢話，最主要係睇你想食酸辣定麻辣，好啦！我決定試泡椒大魽魚。店員同我講，泡椒係後勁凌厲的，所以可以煮耐少少啲椒先食，所以我就叫左2個涼拌菜先食，涼拌係用口水雞汁的，我同朋友覺得味道較淡（已經是中辣），於是問店員可否加辣，佢好友善，拎左一碗大辣汁俾我地，不過我都係覺得唔夠辣，味道較清，重點試下條魚先，肉質好滑，好味，煮多耐啲先入味，湯底好好飲，因為小辣，唔太辣，所以我飲左好多碗，越飲越好味🤪叫左蓮藕加入去煮，好爽呀！最鍾意食爽蓮藕，兩個人食晒成條大魽魚，仲有配菜，飽到爆炸，下次會再黎試埋佢個麻辣😋2人食埋單$352，每人$176飽到癲左