炑八韓烤 (荃新天地2)

營業中

休息中

位於荃灣荃新天地二期炑八韓烤店，座位寬敞，空間充足。店員招呼有禮，食物味道亦很好。餐廳性價比高，好適合一家大細或者約朋友一齊聚餐。特色韓國小菜泡菜，芽菜海帶，青瓜蘿蔔，個人特別鍾意薯仔薯蓉，refill咗好幾次。口味合適，另外我最鍾意嘅薯蓉真係必食，食到加左鮮果沙律醬，特別開胃。鹽酥牛舌旨味套餐一大個牛拼盤真係認真抵食，每個部位都有，肉味口感各有不同，口味亦各有不同，有啲肉味較濃嘅部位就用簡單嘅鹽味就最正。另外仲有一個韓式牛肉湯，滾住上檯，飲完立即暖笠笠，牛肉煮得好淋好滑。石頭鍋飯材料豐富配埋韓式辣醬撈埋咁食，好食過炒飯。食到最尾仲可以刮到飯焦咁食，味道較香。薑橙熱飲，玫瑰佛手柑熱飲飲品方面，係兩杯熱飲都唔錯，甜得嚟好順口，同埋飲完覺得好潤。