水門雞飯 (豉油街)

營業中

休息中

黎旺角食野真係好多選擇，有時到真係唔知點揀，不過聽講食水門雞飯真係必食之選。今日就想去試下，去到門口已經有人排隊等位、我趕時間就打算買外賣返屋企食。當然主要一定要試下佢個雞飯，雞飯買到返屋企都有啲擔心個雞會變咗唔好食，不但冇呢個情況出現，仲比我意外驚喜，個雞又香又滑，而且雞味特別濃郁，配飯食真係好夾好好味。佢仲配埋個湯，加埋個湯嘅清香，成件事係好夾好正。我地3個人都係叫佢個雞飯食，3個人都係讚口不絕嘅，大人小朋友都好啱食嘅雞飯，果然每日都係咁多人幫襯。另外仲叫左個泰式無骨豬手，一碟份量都幾多，打開個盒好香，無骨好方便食，真係啖啖肉，豬手好滑好淋，一啲都唔會鞋，而且個味道係剛剛好，唔會太咸，送飯一流。