水門雞飯 (豉油街)

營業中

休息中

同朋友喺旺角打完波，想搵間抵食又好味嘅餐廳，所以我帶咗朋友去食水門雞飯。每人$120已經有齊雞飯、小食、菜同飲品，泰國過江龍嚟講絕對係抵食！⭐水門雞飯⭐水門雙拼炸雞飯每次嚟呢間都一定點雞飯，因為鍾意佢油飯夠香，雞肉夠滑，而個醬汁辣得好過癮，除咗點雞，用嚟撈飯都一樣咁惹味。今次第一次試佢嘅炸雞，啲雞炸得唔會過哂火喉，外面幾脆，而入面唔會乾，仲有另一碟汁係配炸雞。職員留意到啲汁食哂就會主動refill，服務態度幾唔錯。⭐泰式燒腩仔賣相望落有啲似豬頸肉，但其實係腩肉，不過同港式燒肉唔同，泰式係會燒到四邊都脆。⭐香辣牛舌牛舌淋得嚟夠入味，辣度剛剛好，送飯一流。⭐泰式炒通菜通菜份量都多，適合兩個人share，呢碟有好多蒜蓉同麵豉，所以炒得好香。⭐洛神花茶⭐凍泰式奶茶泰式奶茶茶味夠濃，唔算太甜，同出名果間泰奶茶飲店差唔多。宜家晚市做緊優惠，可以優惠價追加小食同飲品，仲有個新出嘅A5和牛泰式船粉，下次嚟再試。

旺角人氣排隊店！今日去咗旺角間超有人氣嘅水門雞飯專門店，不過都唔會排好耐雞湯胡椒味好重，飲完暖笠笠泰式水門雞，雞肉嫩滑，雞皮爽脆，再配上獨特嘅泰式醬汁，酸辣醒胃，一啖落去超正。泰式豬腳飯嘅豬腳煮得淋而不爛，肥而不膩，飯底吸收曬肉汁精華，食到停唔到口。馬拉盞炒雜菜充滿镬氣，味道濃郁，最鍾意食佢啲草菇同埋粟米筍最正嘅仲要數個菠蘿沙冰，沙冰綿密，菠蘿味十足，食完好解膩。總之，呢間店真係冇令我失望，下次一定再嚟！

今晚我和老婆決定到旺角豉油街的水門雞飯享用晚餐，這間人氣餐廳一向以其美味的雞飯聞名。當我們抵達時，已經看到門外排起了長龍，心中不免期待。我們餓得不行，立刻點了他們的秋冬特選2人套餐。首先上桌的是海南雞半隻，雞肉鮮嫩多汁，搭配特製醬油，讓人忍不住多吃幾口。接著是水門雞油蒸飯，米飯吸收了雞油的香氣，每一口都令人滿足。酸辣鳳瓜沙律則為整頓餐帶來了清新的口感，酸酸辣辣的滋味讓我們的味蕾瞬間醒來。套餐裡還有醬爆牛肉薯仔粒，牛肉鮮嫩，搭配香脆的薯仔粒，讓人回味無窮。飲品方面，我們選擇了龍眼水和鮮檸梳打，前者清甜爽口，後者則帶有一絲酸爽，非常解渴。最後，我們再點了水門炸雞飯，外皮酥脆的炸雞，搭配香油雞飯，完美的口感讓人直呼過癮。整體而言，這次的晚餐不僅美味，也讓我們度過了一個愉快的夜晚，非常推薦給喜愛雞飯的朋友們！

黎旺角食野真係好多選擇，有時到真係唔知點揀，不過聽講食水門雞飯真係必食之選。今日就想去試下，去到門口已經有人排隊等位、我趕時間就打算買外賣返屋企食。當然主要一定要試下佢個雞飯，雞飯買到返屋企都有啲擔心個雞會變咗唔好食，不但冇呢個情況出現，仲比我意外驚喜，個雞又香又滑，而且雞味特別濃郁，配飯食真係好夾好好味。佢仲配埋個湯，加埋個湯嘅清香，成件事係好夾好正。我地3個人都係叫佢個雞飯食，3個人都係讚口不絕嘅，大人小朋友都好啱食嘅雞飯，果然每日都係咁多人幫襯。另外仲叫左個泰式無骨豬手，一碟份量都幾多，打開個盒好香，無骨好方便食，真係啖啖肉，豬手好滑好淋，一啲都唔會鞋，而且個味道係剛剛好，唔會太咸，送飯一流。

今日喺旺角行街，行到攰攰地，同朋友諗住搵啲好食又有特色嘅嘢嚟慰勞下自己。忽然諗起附近有間好出名嘅泰國餐廳，主打泰國經典美食——水門雞飯，決定試下。一入到去就即刻被嗰陣陣香味吸引住，當然唔等得就要咗招牌嘅水門雞飯。加$10可以換雞脾肉，果然無骨又皮薄肉嫩，雞肉同埋微辣嘅水門雞醬真係絕配！仲要提下佢哋嘅雞油飯，好香又唔會太油膩，食落去真係啖啖送飯。除咗水門雞飯之外，當然唔少得試下嗰啲追加小食：泰式豬手晚市優惠入面有呢個追加小食，豬手精心調味，嗰啲調味醬汁滲透入去肉質，唔會太肥但又彈牙，味道特別正。炸黃門鱔魚皮呢道小食特別香脆，真係必試。啱啱炸出嚟又熱辣辣又新鮮，咬落去仲聽到脆卜卜嗰啲聲，食完停唔到口。雞雜有雞腎、雞腸同雞紅，特別係用泰國香料滾熟，所以即使有香料味，但香得嚟唔會太濃，齋送口飯都咁好味。最後，唔可以唔提最近新出嘅足料椰子雞煲，熱辣辣嘅鍋物特別啱晒呢個天氣。椰子嘅香味夾雜住酸酸地同微辣嘅味道，有啲似冬陰功。即使用上雞胸肉都超嫩滑，真係唔可以錯過。如果嚟旺角想試下泰國美食，呢間餐廳真係一個唔錯嘅選擇，值得你哋去試下！

週末約朋友行旺角，朋友話想食水門雞，一於試下。首先，我地叫左半隻水門，雞雞肉非常嫩滑，味道鮮美，冇咩雞油。會配碗冬瓜湯，清淡醇厚，味道十分鮮甜，配合雞肉，簡直係完美組合。喝一口湯，感覺整個身心都被滋潤咗，清新的冬瓜味道亦令整體餐點更顯清爽。跟住叫左個馬拉盞西蘭花炒魷魚鬚，這道菜真係色香味俱全。馬拉盞的香辣味道非常誘人，炒出來的西蘭花仍然保持著鮮綠色，口感脆嫩。魷魚鬚炒至剛好，不油膩，吸收咗馬拉盞的香味，讓整道菜的味道更加豐富。這道菜的搭配讓我感受到海鮮和蔬菜的完美融合，食落去唔會覺得重口味，反而好開胃。最後，虎蝦炒金邊粉，虎蝦煮至剛好，肉質彈牙，鮮味十足。金邊粉吸收咗蝦的鮮味，加上少許花生碎，整體香氣撲鼻。每一口都令人驚喜，特別是金邊粉的Q彈口感，咬下去真係好過癮。餐後飲的熱檸檬水，既清新又解膩，整體餐點完美收尾。

水門雞飯🐓真係抵食又好味仲要唔使加一！係香港想食海南雞飯一定來呢到今晚收工收得晏我就來買外賣🧐門市大排長龍🤣超多人啊！好旺場如果大家要堂食，真係要提早排隊！水門雞飯🐓招牌菜！嫩滑雞肉配雞油蒸飯！好好味仲可以雙拼配炸雞🤩一次過食到兩款滋味香葉辣肉碎煎蛋飯🍳呢個菜式都好出色！香葉肉碎入口微辣好惹味配埋太陽流心蛋～下飯一流泰式腩仔🐖即叫即炸香脆可口！真係食唔停口泰式奶茶🥤真係夠地道🥹茶香出係泰國泰茶味道！叫左3個飯、1個小食、1禁飲品！埋單二百中真係好抵！想食泰國野推介大家來水門雞飯

大家好今日到了旺角水門雞飯食野之前己經試左佢既雞飯係幾好食今次就再試下其他野而今次就主要食佢既A5和牛泰式船麵首先再食左幾款串燒先雞肉串同豬肉都燒得唔會太乾同埋點呢度既沙爹醬都好滋味仲有一串係和牛串燒會配埋酸酸地既醬汁根住就上主菜A5和牛船麵用和牛做船麵其實都比較少見不過和牛比較軟都夾船麵我揀左比較幼身既金邊粉可以更容易吸收船麵既湯湯底都好濃這個船麵會配埋酸梅茶我諗係用來解一解A5和牛既油脂感都係一個唔錯既配搭最後食埋秘汁豬手芥蘭覺得呢度既豬手己經起左骨同埋唔會太肥芥蘭比較幼身同豬手都幾夾總括呢間店質數其實唔錯價錢又唔貴

今晚收夜唔想煮飯，經過發現人頭湧湧，原來做緊優惠，晚餐瞬間有着落，果真不錯❤️。✨燒原隻魷魚✨ $4540幾蚊有兩大串，真係好抵。原隻魷魚成個外賣盒咁長，彈牙又有口感。最正係個汁，辣得開胃，非常惹味。✨水門雞飯✨ $54雞肉非常滑嫩，搭配的雞飯有陣陣雞油香，一啖肉一啖飯，好正😍跟餐有碗雞湯，胡椒味重，飲完非常䁔身。✨鳳尾蝦金邊粉✨ $75足料又大盒，內有幾隻鳳尾蝦，大隻爽口。金邊粉炒得非常爽口且非常正宗，內有花生碎及辣椒碎，撈勻一齊食，超香超惹味。內附青檸，酸甜又香辣😍好快俾我清晒。🔸晚餐追加優惠🔸✨泰式燒腩仔(例)✨$30✨泰式無骨豬手(例)✨$30有多款特色主菜/小食可以優惠價追加，叫咗佢哋嘅燒腩仔同無骨豬手，一次過試晒他們招牌菜❤️❤️燒腩仔炸得非常香口，皮脆内軟，好滋味。無骨豬手超級軟稔，筷子大力一夾就散，非常入味，送飯一流。✨凍泰式奶茶 ✨$8✨龍眼水✨ $8大大杯嘢飲都係加$8，多款泰式飲品任君選擇。咁抵嘅嘢點可以錯過，即刻叫咗杯泰式奶茶同龍眼水。泰式奶茶非常正宗，煉奶香滑，我超鍾意。龍眼水有不少龍眼，不會太甜，好正。即使外賣都十分足料大盒，下次有機會，必想堂食試下。想睇更多介紹

呢間餐廳係由本地人開設嘅泰式海南雞飯店，更從泰國請嚟大廚坐鎮，所用香料同調味料均由泰國直送，確保口味正宗🇹🇭💗水門雞飯（$54）水門雞均用上約2.5斤重嘅白身走地雞，勝在皮薄少脂肪，海南雞已經起骨，食落啖啖肉夠哂方便，雞皮爽口，雞肉味濃🐓；油飯以泰國茉莉香米加入雞湯、香料、蒜頭、辣椒炒完再煲，令飯軟硬適中，粒粒分明🍚💗A5和牛泰式船粉（$98）船麵湯底用上牛骨同多款香料熬煮，湯頭濃郁帶辣，配上滑溜彈牙嘅蛋麵🥘放上一片嫩滑嘅A5和牛片，牛味濃郁之餘有油香🐂💗炸黃門鱔魚皮（$36）以黃門鱔炸出嚟嘅魚皮特別厚身，香脆可口，淨吃或者蘸雞湯食都一樣咁正🐟💗泰式燒腩仔（+$30）燒腩仔肥瘦相間，唯一挑剔係個皮唔脆，蘸上特製酸辣汁夠哂解膩🐖💗馬拉盞肉醬芥蘭苗（$46）芥蘭苗翠綠柔嫩，加埋馬拉盞肉醬食落微辣惹味🌶️

喺旺角返工諗唔到食乜又想平平哋💸呢間就啱晒啦叫咗個海南雞飯🐔唔好睇啲雞咁白好似冇乜味咁🤣就算雞胸位啲肉一啲都唔柴配埋個汁 好惹味!! 個湯係胡椒冬瓜湯 好重胡椒味🥰加$10仲可以指定要雞髀位🍗 Hello隨便睇吓啱晒唔鍾意食雞髀嘅人

經典泰式「水門雞飯」雞肉雞肉係水門雞飯嘅靈魂！雞肉煮得嫩滑多汁，皮脂比例控制得啱啱好，唔會過肥又保留咗啲雞油嘅香氣。用清水低溫慢煮，令到雞肉保持緊緻又唔會乾，入口嫩滑，真係每啖都係享受！飯雞飯用嘅飯係另一個重點！飯粒飽滿，吸收咗雞油同雞湯嘅香味，帶有濃郁嘅雞香，但又唔會過油膩，粒粒分明，係雞飯嘅靈魂所在。配埋雞肉一齊食，啱啱好可以中和肉嘅油脂，味道平衡得非常出色！ 醬汁水門雞飯最經典嘅地方當然係泰式醬汁！醬汁一般用蒜蓉、辣椒、薑蓉、魚露同少量酸檸汁調成，帶出鹹、酸、甜、辣嘅完美平衡。每啖雞飯配埋醬汁，味道即刻提升一個層次，酸辣感刺激味蕾，超級開胃！ 配菜水門雞飯通常仲會配埋幾片青瓜或者少量湯菜，清新嘅蔬菜可以平衡雞肉同飯嘅濃郁感，令整體口感更加豐富。再加上一碗清雞湯，飲落清清地，好舒服又解膩，完美配搭！

位於旺角經常大排長龍嘅「水門雞飯」人氣非常高 簡約裝潢用咗同泰國一樣嘅鋅鐵餐桌 加上泰文雞檔 滿滿嘅泰國feel🇹🇭大約等咗10分鐘就可以入座 餐廳QR code落單▪️水門雞飯招牌必點✔️基本每張枱都有+$10可轉雞脾肉無骨 雞肉皮薄小脂肪 食落啖啖肉 口感嫩滑有彈性👏🏻跟餐有雞湯 慢火熬煮 胡椒味勁辣 刺激暖胃雞油飯好香 唔會太油▪️泰式乾炒辣牛河有鑊氣 河粉口感濕潤又唔會太過碎個人唔食得辣 嗌咗小辣仲係覺得辣咗啲🥵▪️脆炸香茅雞翼雞皮炸得香脆 完全唔乾身肉質嫩滑 醃得好入味 ▪️馬拉盞肉醬芥蘭苗🥬怕辣嘅可以醬汁另上芥蘭苗好新鮮 爽脆 搭配馬拉盞肉醬 好有泰式風味▪️泰式熱奶茶正正宗宗嘅泰味 茶底香濃 口感順滑 但偏甜咗啲 有得揀埋甜度就更好啦▪️話梅茶酸甜解渴 又fresh又開胃🤤

呢間水門雞飯唔同區都有分店，基本上每次嚟都會嗌個海南雞飯配泰式奶茶。貪佢價錢低，去骨海南雞大份又好食。雙拼海南雞拼炸雞排飯海南雞同炸雞排都係無骨，食落啖啖肉。海南雞食落嫩滑唔會鞋，炸雞就香口啲炸到卜卜脆，配雞油飯食。跟飯加野飲，有唔同泰式野飲揀。泰奶好飲，可以自選冰量甜度。朋友就飲芒果沙冰，佢就話消暑一流。每個海南雞飯仲會跟餐配冬瓜湯，個湯算清甜同埋胡椒味較濃。今次同朋友嚟食，就嗌多咗兩個小炒。魷魚炒西蘭花，我地嗌咗少油版本更健康，味道方面仍然好夠鑊氣🤤另外再加多咗個串燒雞肉，點埋串燒沙嗲汁，好惹味。總括嚟講水門雞飯location方便，好多地方都有同性價比都高，下次想食泰菜會再encore.

想食泰國海南雞飯同泰國🇹🇭粉麵☺️諗起水門雞飯係附近就去咗食，佢個雞醬同埋跟飯既湯麵好好味，心心念念😍😍😍🌟海南雞飯 $54 👍🏻👍🏻👍🏻👍🏻👍🏻👍🏻雞同飯嘅份量都好多，雞肉好嫩滑，個油飯好香好好食，水準依然再配埋我心心念念嘅冬瓜胡椒湯，同埋個點雞嘅醬好味🤤又有滿滿嘅蛋白質❤️❤️❤️🥰正！🌟泰式船粉 生牛肉、牛丸$50 👍🏻👍🏻👍🏻👍🏻👍🏻牛丸同埋牛肉嘅份量都算多，牛丸爽口蛋，生牛肉都好嫩滑有牛味入口即溶🤤🤤🤤，個湯都好正宗，好有泰式嘅味道，好好味🤤😋😋仲有個好似腐皮脆脆地嘅，仲有醬汁可以俾我自己加，餐食醬料入邊，有辣粉，炸蒜，仲有好似酸酸地醋味嘅醬料，可以自己加落個湯底度調味😛😛🌟泰式牛舌😛 $30 跟餐叫既👍🏻👍🏻👍🏻👍🏻👍🏻👍🏻都幾抵食，牛舌好腍，好容易入口😍😍，個味道係酸酸甜甜，都幾開胃🤤🤤🤤🌟馬拉盞炒西蘭花，魷魚 🦑$68 👍🏻👍🏻👍🏻👍🏻👍🏻個西蘭花都幾入味，好香口，魷魚都好爽口，同樣都好入味，個菜式人唔會太辣，攞嚟送飯好好好味😋😋😋👍🏻🌟泰式奶菜&龍眼水👍🏻👍🏻👍🏻👍🏻👍🏻👍🏻唔記得影低個龍眼水，好大杯好好飲又唔會太甜，下次都會再叫呢個眼水，仲可以走冰添，啱晒我呢啲養生中女😆😆