水門雞飯 (豉油街)

營業中

休息中

食咗咁多次，啱啱先發現原來用手機程式做咗會員之後有幾個一次性優惠其實都幾抵。點咗個半隻水門雞，醬汁超好食。朋友點咗個紅咖喱同埋串燒佢嘅咖喱同埋沙嗲都係偏甜愛人編號鍾意再辣少少。但係都好抵食，同埋好好食個雞值得一提係個湯胡椒味好重好好飲。

個飯同雞肉都係咸同苦，條脷食到有啲麻痺，但又唔係好辣，可以話無咩辣，但個味真係好唔得，同埋真係有苦味，唔知係咩香料問題....我應該唔會再光顧....之前食過啲海南雞都算正常...因為我係叫外賣，都懶得攞返去，店舖可能要檢視一下係個別事件還是真係咁樣味道...另外就係反映下食物及評分要200字，未必咁多野寫，放寬一下可以令更多人願意寫，我寫寫下都啲想放棄感覺，會覺得評價唔係咁容易，一般大眾想簡單評價都不容易。

海南雞全雞同海南炸雞飯，真係好正嘅選擇！講到海南雞全雞，佢啲雞肉真係鮮嫩得無得輸，雞皮滑滑嘅，咬落去有種清甜嘅味道，搭配埋佢哋自家製嘅醬油，簡直係絕配！每一口都好有滿足感，特別係配埋白飯，真係食到停唔到口。而講到海南炸雞飯，就更加好味！炸雞外皮金黃酥脆，咬落去嘩，肉汁四溢，啖啖都係滿足感。佢哋用嘅炸粉加咗啲香料，味道獨特，完全唔油膩，食完仲想再要一份。再加上配菜同埋特製醬汁，真係令整碗飯更加出色。整體嚟講，無論你鍾意清淡嘅海南雞定係重口味嘅炸雞飯，兩者都係值得一試！環境舒適，服務都好好，去到呢度食嘢，你會感覺到好驚喜。下次想搵一個好地方食飯，記得試下海南雞全雞同海南炸雞飯，保證你會愛上！

主打正宗泰式雞飯，特意選用走地雞，皮爽肉嫩。雞肉無比滑溜，肉質細軟有彈性，油飯加入雞油及蒜頭用炭火煲熟，滿滿香味。豬手炆得肉質軟稔，好大碟，豬皮入口即化，每一口也充滿骨膠原，好漿口，送飯一流，配上自家製酸辣沾醬，份外惹味。船河賣相吸引，用豬骨及豬血多小時熬製，黑色湯底味道非常濃郁，配料有牛肉、牛丸、炸豬皮，相當豐富。串燒帶有好香燒烤風味，雞肉非常Juicy，燒得香口，點一點沙嗲醬，甜甜辣辣好惹味。

✨水門雞飯 $62 （轉雞髀肉 +$10）新加坡風味神還原😎🫶🏼雞髀肉去骨切件 皮爽肉嫩 蘸上提供的秘製泰式酸辣醬更惹味米飯粒粒分明帶油香😜另外仲有一碗湯 望落好清澈 入口味道帶濃郁胡椒香 鮮甜不膩升級雞髀肉絕對值得 雞髀肉肉質更滑更 juicy😋✨泰式乾炒辣牛河 $78河粉炒得乾身不油 而且鑊氣十足牛肉片嫩滑厚薄適中 雖然名叫辣牛河 但唔太辣 食唔到太辣的人都岩食✨馬拉盞西蘭花炒魷魚鬚 $68魷魚鬚彈牙不韌 西蘭花炒得爽脆馬拉盞的濃郁咸香鮮味好惹味.✨泰式檸茶 $22 & 泰式咖啡 $24泰式檸茶的紅茶底比平時飲的更濃郁 消暑一流😋咖啡尾韻有淡淡的香料味 都幾特別

水門雞飯主打泰式海南雞飯，並提供多款泰式小菜和飲品。水門雞飯：雞肉質地嫩滑，肉味鮮香，雞皮薄且脂肪少，配有特色醬汁，帶點微辣和酸味，增添風味，還有香濃的雞油飯，米粒飽滿有彈性，飯香味十足。水門炸雞飯：炸雞外皮炸得酥脆，配搭的醬汁酸辣開胃，能提升整體風味。泰式豬手飯味道香濃、帶甜味且香料味突出，豬手肉質嫩滑且有豐富的膠質感，非常適合配飯食用。鳳尾蝦金邊粉味道酸甜適中，蝦鮮甜爽口，金邊粉炒得有鑊氣且帶有泰式甜酸鹹的經典風味。附送胡椒冬瓜雞湯，胡椒香味極濃。

喜愛泰式料理的食客不錯的選擇📍地點：旺角🍽️菜式：泰國菜💰人均消費：晚餐 HK$60~100🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：方枱/ 卡位 / 外賣📝落單方式：侍應生落單 / QR code落單免費🅿️：❎光顧旺角豉油街的水門雞飯，店內主打泰式料理。【水門雞飯】💰HK$56水門雞飯是店內的招牌菜之一，雞肉軟嫩多汁，帶有適當的油香，搭配粒粒分明的飯和店家特製的醬汁。【泰式豬手飯】💰HK$54泰式豬手飯令人印象深刻，豬手滷得入味，肉質軟糯但仍保留一定的嚼勁，皮的部分帶有膠質感，配飯食用恰到好處。【馬拉盞西蘭花炒魷魚鬚】💰HK$70魷魚鬚爽口彈牙，搭配馬拉盞的濃郁風味與西蘭花的清脆口感，鹹香適中，不會過於刺激，十分下飯。【雞肉串燒】💰HK$30雞肉串燒外皮微焦但不會過乾，內部保持肉質的鮮嫩，醬汁的調味也十分合宜。【龍眼水】💰HK$8龍眼水則帶有自然的甜味，口感溫潤，不會過於甜膩，是用餐後的理想選擇。【泰式檸茶】💰HK$8泰式檸茶清爽解膩，帶有適中的甜度與酸度，喝起來十分清新。#foodcourt #foodxcourtx #foodxcourtxMK#旺角搵食地

最近去完旅行返黎重左😂所以決定減減碳，食少啲carbs見到水門雞飯出左兩款生酮系列既椰菜花飯，好似幾健康，一於去試下其中一款係椰菜花配水門雞飯，水門雞係signature一定要試啦！店家落左蒜頭同辣椒粒炒椰菜花飯，食落都香，另外招牌嘅水門雞都唔錯，雖然係雞胸位置，但係食落都唔會柴！減肥人士/gym L都岩食！另一款生酮系列就係椰菜花蝦飯，用左豆角同肉碎炒椰菜花飯，食落好似泰式嘅香葉肉碎飯咁！依款比起頭先果款椰菜花飯就更加惹味！面頭兩隻大蝦都算爽口彈牙～不過依個set就略嫌少protein, 所以我地加多左份海南雞！😆除咗椰菜花飯，仲叫咗兩個小食。其中一個就係呢個泰式燒腩仔！同中式嘅燒腩仔唔同，泰式燒腩仔係加咗芝麻去炸，四邊都非常之脆口，配埋泰式汁好好食～最後仲叫咗一嚿香茅雞翼，＄28有4隻雞翼，個人覺得都幾抵食！雞翼都炸得幾乾身，但入邊就保留到肉汁，做得唔錯！

《旺角街頭的泰式心跳——水門雞飯的靈魂之作》 喺旺角嘅喧囂中，呢間水門雞飯店就好似一個小小嘅泰國角落，用簡單而純粹嘅味道，俘虜咗我嘅味蕾。 水門雞飯（+雞胸），絕對係主角中嘅主角。雞胸肉煮得剛剛好，入口嫩滑得離奇，肉汁鎖得實實，完全唔覺得乾。飯嘅質感更加出色，每粒飯都包裹住雞油嘅香氣，但又唔會過油膩，一啖飯一啖雞，再撈埋嗰酸辣醒胃嘅秘製醬汁，嗰種味道，簡直係泰國街頭嘅靈魂！ 凍泰式奶茶 則係另一種驚喜，茶底濃得嚟又唔會苦澀，奶香同甜味平衡到無懈可擊，喺冰塊嘅襯托下，每一口都係清涼同滿足，彷彿將人帶到曼谷嘅炎熱午後。 呢間小店，以樸實無華嘅料理展現出泰國味道嘅精髓，平凡中見功夫，絕對係旺角區不可錯過嘅滋味體驗！

最近開始咗飲控期始終都需要同朋友外出用餐聚會所以不斷發掘低卡外食的選擇水門雞最近推出咗生酮餐牌就啱曬我喇～水門椰菜花雞飯菜花飯粒粒分明食落有70%似白飯 雞肉加咗+$10 轉咗雞髀肉 肉質好嫰滑😆欣賞仲可以以$6加蛋 protein upupup!!同埋可以因應個人需要加100g雞😆幾多P任你砌🤣依個彈性真係好岩飲控、健身群族～泰式炒通菜用一般標準來說 通菜味道剛好 蒜香加油炒得好惹味😋絕對符合泰國風味而且唔會話好鹹😆但若果用飲控標準來說 依份菜就太油膩了 拉高咗依餐嘅卡路里 🥲食完會好口渴 返屋企不斷想飲水🥲😂

今日放假同朋友去街，我一早已經講左要食依間，所以bookmark左要食，今日終於食到餐廳幾乾淨，不過枱同枱之間嘅位置比嘅迫，大家坐嘅時候小心撞到後面嘅人水門雞飯加雞什油飯幾香，唔算好膩，又唔會好淋batbat，有口感的仲有湯送嫁，好重胡椒味！馬拉盞西蘭花炒魷魚鬚（少油少鹽）雖然叫左少油少鹽，但食完發現碟野都好油，都幾重口味魷魚鬚份量多，又大份，口感唔韌幾爽口泰式乾炒辣牛河雖然可以揀少辣，但都幾辣下，唔食得辣嘅朋友仔要留意下河粉唔算好油！牛肉片用嘅都唔係肥牛，口感唔錯雞肉串燒依個係跟餐嘅小食，total有3串，建議快啲食左先，擺得耐肉質開始有啲韌雞肉串入面加左啲香料、好似仲有啲芫荽碎，唔食嘅朋友要留意喇，味道都幾出～～凍鴛鴦

經常經過都有人在排隊的快餐！人人都叫鷄飯，這次我和朋友來吃不一樣的菜~非常推薦大蝦炒金邊粉，很香，配料很多不會單調炒通菜也是翠綠爽口，但醬料多點就更好了木瓜沙律好辣好爽，這個必叫椰青非常高質，才$38那麽大一個！

今日同朋友去旺角百老匯戲院睇戲，睇完戲就去食晚飯，經過一間泰國菜式餐廳，我朋友好喜歡吃泰國菜，咁就入咗去食。這間餐廳叫水門雞飯，位於旺角豉油街21C號地舖，港鐵旺角站E2出口，步行幾分鐘就到，非常方便。 餐廳門口的招牌「水門雞飯」十分有創意，隻雞好卡通化，餐廳內裝修簡約，好有泰式風格，地方整潔，枱櫈擺設整齊，坐得都舒適，餐牌內的食物選擇都多，有主食、沙律、小食、泰式船粉、甜品、飲品，亦有很多嘅美食的相片在餐牌內，相片睇落都幾吸引客人去食，而且價錢又唔貴，只係用QR code 點菜，真係十分方便，店員有禮貌，服務態度好，來這裏食都不錯。 水門雞飯就係呢一間餐廳嘅主食招牌菜，當然要叫來食，先奉上冬瓜胡椒湯，胡椒味濃，配上冬瓜，飲落都幾清新，佢嘅雞皮煮完之後過咗冷水，所以好爽同埋好彈牙，雞肉份量不少，新鮮嫩滑、無骨、冇肥油，唔會油膩，雞肉味香濃，配上自家醬汁，很美味，啲飯係油飯仲食到好香嘅雞油味，令口感惹味，果然是好好食嘅招牌菜。雖然一定要叫招牌菜吃，其他食品都好想叫來食，尤其是泰色船粉，我哋選咗牛肉湯牛丸生牛肉湯河粉，位量都唔少，牛肉湯底濃郁鮮美，河粉又夠滑，牛筋丸食落又彈牙仲有牛味，亦有

之前成日食，呢排少左黎食，心思思，再黎試試佢既椰菜花雞飯同其他新野！炸黃門鱔魚皮，係我最愛！外層炸得金黃香脆，骨都係脆的！入口唔會覺得油膩，反而帶有輕微鹹香，口感酥化且唔失濕潤。就算你唔鍾意鱔魚，都絕對值得試，係我心目中絕對係一款完美嘅小食。水門椰菜花雞飯係生酮飲食之選，完全係為健康飲食人士而設嘅菜式，特別適合追求低碳水化合物嘅朋友。椰菜花飯粒粒分明，帶有淡淡嘅天然甜味，口感爽脆，代替傳統白飯完全無違和感。雞肉選用嫩滑嘅雞腿肉，鮮嫩多汁，仲可以加少少椰奶醬，香氣提升之餘仲帶出泰式風味，係健康同美味兼備嘅選擇。串燒系列表現穩定，雞肉串燒同豬肉串燒都烤得啱啱好，外層微焦帶炭香，內裏保持嫩滑多汁，調味唔會過重，保留咗肉嘅原汁原味。每一喺都充滿香氣，你當佢主菜又得小食都得。泰式炒通菜味道唔會過濃，通菜爽脆，保留咗鮮嫩嘅口感，蒜香同泰式調味料平衡得恰到好處，唔會過重亦唔會太油膩。芒果糯米飯係一道經典嘅泰式甜品，餐廳選用嘅芒果熟得啱啱好，甜而不膩，果肉軟滑多汁。糯米飯帶有濃郁嘅椰香，質地煙韌，兩者搭配得very good,甜品控絕對唔可以錯過。蘋果雪梨水飲落清甜，帶有淡淡嘅果香，潤喉又滋潤，特別適

要食正宗泰國雞飯，必定到「水門雞飯✨」，絕對尋回泰國旅遊嘅感覺，星期日人流多，最好外賣返屋企慢慢食，餐廳必食水門雞，肉質嫩滑，肥瘦適中，另外泰式船粉亦係必點之選，其他小食、咖喱系列及泰式炒粉麵等都十分有質素。「水門雞飯🍗」絕對係餐廳嘅招牌菜，雞肉肉質嫩滑，肥瘦適中，配上特製嘅醬汁，味道更上一層樓。每一口都令人回味無窮，搭配雞油香飯一齊食，非常好味😋。「清湯魚片河粉🐟」湯底清淡而鮮甜，魚片夠厚又彈牙，配上Q彈嘅河粉，簡單好味。「牛三寶泰式船金邊粉🍲」牛丸、牛柏葉、牛腩香氣四溢，經過精心烹調，口感十分鮮嫩。搭配金邊粉，整個菜式更添豐富嘅層次感。「鳳尾蝦炒金邊粉🦐」鳳尾蝦爽口彈牙，金邊粉炒至金黃，味道濃郁，令人食過返尋味。