翠林辣蟹舫

營業中

休息中

☆ 翠林辣蟹舫尖沙咀亞士厘道24-38號天星大廈1樓A號舖✦ 避風塘炒辣蟹 (少辣)肉蟹好大隻，個辣度好好，我唔食得辣都覺得愈食愈好味，好惹味，同埋平時d避風塘料會成日食到人”銀”到個口，但呢到就無呢個問題，好食！✦ 蜂蜜醬燒黑毛豬排原來係燒豬肋骨黎，味道剛剛好，外表燒到有少少脆脆，肋骨帶少少肥膏所以食落比較淋身，幾好。✦ 薑米日本青魚炒飯呢個幾得意，無見過會用鯖魚炒飯，炒飯都炒得幾乾身，食到鯖魚味，又唔會話覺得腥。✦ 話梅涼瓜涼瓜醃到無乜苦味，混和左話梅味一齊，幾得意。疫情以黎，堂食成日都有時會無晚市，而家就算食野好多時都迫住10點就要走，好不爽，比我發現到呢到係少數嘅D類餐廳黎，開到11點半之餘如果打齊針仲可以12個人一枱，咁樣食蟹食海鮮都可以慢慢食。