Bugis@叻沙・海南雞飯

營業中

休息中

Item: Bugis@叻沙・海南雞飯
Rating: 0
Author: 小豬BoBoBo

3.5

193 食評

味道

環境

服務

衛生

抵食

4939

鑽石山

$51-100

新加坡菜少鹽少糖食店

資訊:
餐廳:	Bugis@叻沙・海南雞飯

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

小豬BoBoBo

等級4

128

是日晚飯算係意外驚喜，食得好滿足，樣樣美食都色香味俱全，真係大愛呀！唔係擦鞋妹，係真心話，唔單止好美味，價錢都ok，先會咁講㗎咋！今晚揀咗個4人套餐，真係樣樣都有，份量仲唔止4人添，稍為細食一D都食唔晒，所以好想同大家分享：

柚子蝦沙律：雖然個碗細細，但份量都好多，佢無用好多生菜放低下，一人唔係得一舊嗰種，全碗都係柚子嚟㗎，講真，我寧願係咁，都唔鐘意別的食店放得靚靚，但份量得小小。

小食拼盤：真係一個開心拼盤，難得今日無熱氣可以食盡煎炸嘢！

原隻棒棒脆蝦：好香脆，蝦有蝦味，熱熱的。
脆炸蝦餅：一款見襯都會叫嘅小食，都彈牙，香口好味。
米紙脆春卷：唔會太硬，都幾好，我本身唔好LEE款食物，所以味道OK啦！
沙嗲雞肉串燒：比較乾咗小小，同埋我自己比較鐘意泰國舖嘅串燒汁多D。

新加坡海南雞：如果10分係滿分嘅話，我會比9.5分，真係好好味，雞肉質地好滑好滑，LEE碟食得最多個個就係我，真係唔停得口。

馬來咖喱牛腩煲配油酥餅：咖喱汁好濃配埋牛肉味好正，一件油酥餅加一匙咖喱汁點滿嚟食真係一流，加上份量十足，不止有牛腩，仲有埋牛筋添！

蝦頭油炒飯：LEE個就比較清一D，睇到張相就知，哈哈有DISPLAY嘅感覺，但係一餐豐富嘅美食當中，有一個淡味一D嘅飯確係必需的，意思係好簡單的炒飯，唔係好食到蝦頭油的味道，哈哈！可能其他餸味道都偏濃吧，我嘅味覺都跑掉了。

馬拉盞炒通菜：一D都唔覺辣，平時食開嗰D好似有少許辣的。普普通通，最重要佢唔油膩(即係嗰種食完個碗仲好多油嗰D呢)，所以個菜唔錯啦!

南洋肉骨茶：佢係迎合香港人口味，藥材味比正宗嘅肉骨茶弱，而我自己比較鐘意再重藥材味一D嘅，排肉都好入味，湯都幾好飲，所以都係讚嘅。

飲品我自己就揀咗熱嘅檸檬薏米水，真係有一粒粒薏米比埋架，感覺真係比較特別，唔可以用水形容，有D(傑)身嘅，講真第一次飲LEE D，都幾好味喎！

榴槤波波：嘩！講到榴槤，我真係超鐘意食，LEE個甜品，簡直香甜美味，襯熱食無得輸，外脆內軟，口感一絕，入面嘅榴槤餡都算大，好濃味，食完好想再食，不過今餐飯真係太飽了，想放多一粒入口都唔得添！講真嘅，食榴槤我真係唔介意朋友讓埋比我㗎，哈哈哈～