Bugis@叻沙・海南雞飯

營業中

休息中

喺呢間餐廳食飯真係幾好啊！😋🍽️ 一上枱就聞到個麻油湯底勁香 🫕✨，飲落去味道超濃，但又唔會覺得膩，調味啱啱好，飲一啖就停唔到口 🤤🔥。個烤雞翼更加正 🍗，外皮燒到金黃色又夠脆 ✨🔥，裡面啲雞肉又嫩又多汁，好有口感，食完一隻真係想追加多幾隻 😍👍。至於個珈央醬 🧈🥥，雖然唔算話勁突出，但就幾得意，令成道菜嘅味道層次更豐富，唔會單調 🎨🍴。總括嚟講，呢度啲嘢食真係唔錯 😄💯，無論係湯定主菜都推介畀鍾意試新嘢嘅朋友！👨‍🍳👭✨

lunch嚟咗呢間喺荷裡活廣場嘅bugis@叻沙。海南雞飯餐廳食試呢個海南雞飯，大概下晝兩點幾嗰啲時間，已經過咗lunch hour， 所以亦都唔係好逼好多人，亦都唔使等位。呢個set lunch海南雞跟三種醬汁同埋一個湯，個人比較喜歡海南雞豉油，佢有少少杰身，同埋唔係齋鹹，有少少帶甜味，可以帶返個雞嘅味出嚟，另外兩款就係類似嗰隻雞醬同埋薑蓉，同平時食開嗰啲醬差唔多冇乜特別。試咗佢個雞，雞既味係有而且都出， 唔係一啲雪藏雞嘅味，亦都唔係冇味既雞肉，有幾件雞脾搭兩件雞胸，仲有個湯，應該係冬瓜蘿蔔煲豬骨，都幾濃而且都唔係太重味精。👍🏻👍🏻

食日同老公去完志蓮淨苑，諗住隨便搵間嘢食，原本想食台灣野，但到咗四點幾咁講已經賣曬。最後只好去食隔離嘅喇沙，真係我食過最難食嘅嘢。肉骨茶煲出嚟，完全冇咗肉質嘅口感。湯顏色深得勁似黑咖啡，但飲落去淡得好似滾水一樣，完全冇味！至於海南雞飯，雞肉外表雖然似白切雞，但根本唔係正宗嘅海南雞，雞油飯雖然有啲味，根本唔想再食多一口。呢餐真係令我好失望，完全冇乜值得稱讚嘅地方，食咗之後根本唔知自己食緊咩。

荷里活這個分店服務態度差，有個着灰色衫短頭髮侍應成日用不友善眼光望住客人食嘢，叫都唔係好想行過黎落單，好似好阻住佢咁樣！所以唔會再去呢間食店了！香港就係比這種人搞到冇人食寧願返大陸了！

見啲評語都可以 晚市入左去食 價錢都幾貴 叻沙要$92 見叻沙得滲滲 問可唔可以轉米粉 佢話自選粉面要加6蚊 加埋成$98 走算 明明滲滲都係油面加米粉 咁都要加錢 真係當人水魚 好搞笑

今日去咗荷里活廣場試咗一間新加坡菜館，試咗佢哋嘅兩個套餐。一個係無骨海南雞飯，另一個係麻辣手撕雞配湯嘅金邊粉，再加埋燒雞肉卷。金邊粉擺盤精美，有豐富嘅配料，包括豆卜同生菜。麻辣汁同芽菜係另外供應，湯底清甜，麻辣汁味道淡淡的，讓人感覺清新。手撕雞肉滑嫩可口，海南雞飯更是美味，每粒飯都鬆軟，雞油分佈均勻，顯示新鮮滑順，絲毫無凍藏之感，不過杯凍柑桔特飲嗌咗少甜送到嚟係完全走甜變得好苦。整體而言，這次用餐體驗都幾滿意，值得一試。

午餐menu好多選擇，就算過咗最忙嘅lunch hour,都依然唔少人。今次揀咗喇沙豬頸肉金邊粉，份量大，湯底好濃郁，味道都唔錯，仲好足料添！ 另外可以加錢要小食，揀咗蔗蝦，都ok,不過唔記得影相

行過見到有下午茶牌，叫左2個餐（大滿足餐同叫肉骨茶）但份量一般，有個2塊豬肉烏冬同小雞飯轉其他粉面加6蚊，不是嗎？？肉骨茶，3舊肉，魚蛋，豆卜好快食完，野食不太熱，常溫上餐是否放太耐裝修唔錯，都好過越淺店裝修既，但服務一般收服務費加1但不知道有什麼服務，水都沒有，餐具自己枱拎要行去門口俾錢，無銀聯，無微信支付，要非轉電子方式俾錢時，個收銀叫後面個個呀嬸俾錢先，行前俾錢先最後被打尖埋單，加我要付現金，餐廳好等錢洗？？服務不太好，仲收加1

嗌左兩個肉骨茶 分別下午茶（小份）和 午餐但係出到嚟，份量冇分別，而是價錢相差$28 肉骨茶中的雞蛋，白烚雞蛋，肉骨茶味份量非常少，只有三舊肉骨，一個雞蛋，兩嚿豆卜，咁就完咗

恒生卡做優惠，二人餐388兩大一小去食有兩個飯，兩個湯半隻海南雞又有薄餅等小食三個人都食到好飽個海南雞又好滑個餐包甜品榴槤波波兩個，但係因為我哋唔食榴槤，所以就改咗涼粉唔使加錢好食又抵食

呢一間海南雞嘅下午茶套餐真係好實惠！出面嘅海南雞飯郁唔郁都係八$90甚至上100但係呢一間嘅下午茶呢60幾蚊就搞掂啦！下午茶套餐呢，我今次就嗌咗一個A餐。咁就有烏冬亦都有海南雞，同埋有配埋小食。佢d海南雞真係好正，啲肉質好鮮甜，雞有雞味。我好鍾意食佢配嘅嗰個酸菜個酸菜搭配上烏冬麵湯幾正。啲雞唔會太熟，亦都唔會太老，肉質啱啱好，唔會好韌。下午茶時間都好多人排隊㗎，大家可以算好時間再過去，仲有其他好多餐下次再介紹！

難得星期五晚喺荷里活廣場，BUGIS@叻沙·海南雞飯都唔使排隊就入得。今次試咗海南雞飯同埋肉骨茶。相對於佢嘅海南雞飯，我比較欣賞佢嘅肉骨茶。好多料！至於嗰杯疑似美祿恐龍嘅特飲，就噱頭野居多，一試無妨。

今日一個人經過呢間餐廳，俾門口個宣傳板上面嗰海南雞下午茶吸咗入去。鍾情海南雞嘅我，其實都冇睇清楚個餐有啲乜就衝咗入去餐廳。🤣原來個餐有碗細嘅肉碎烏冬、一碗細海南雞飯（白飯或油飯）、一小碟菜（原本係芽菜，今日冇哂轉咗生菜），仲有杯飲嘢，最特別係熱飲有豆漿。😀我揀咗食烏冬先，口感唔錯，不過啲湯好鹹。個雞飯配酸菜有啲特別，但係都幾👌🏼。食完哂嘢先飲杯豆漿，仲好熱喎！👍🏼👍🏼比錢嗰陣，我讃話杯嘢飲仲好熱，收銀嗰個似係店長嘅人話，因為佢哋用嘅兩層杯係保温嘅。👍🏼👍🏼👍🏼今日整體嚟講除咗價錢貴咗啲，其他都好好，份量對我嚟講都可以，係下午茶份量，如果當lunch就唔多夠。因為啲嘢食真係好細份。😂

行山前要食個飯先，黎到鑽石山唔知食乜好，都係食返呢間😂 好耐先會黎一次，咁岩都係行山！時間比較早，所以冇乜人，環境都好闊落！今次好似係坐返上次個卡位！😅😅午餐都算多野揀！但我都係揀返我最愛既海南雞飯😍😍一盤咁上！賣相都係咁吸引！咁岩被分配到有雞背/雞脾位！超滑，但係冇紅卜卜嚇死你既生肉😂！不過當日d醬除左黑醬油之外，全部都好咸，懷疑佢地加錯左野，不過我唔係好點醬，所以由佢。個飯都好食，油香，😋😋😋同行朋友叫左個肉骨茶！係馬來風味！我比較鐘意馬來既藥材口味！試左一啖，唔錯！排骨大大舊！如果係用油炸鬼代替豆卜就好喇！😆杯桔仔特飲幾清新XD總結，如果黎開鑽石山都會再黎食！不過午市都差唔多成一百蚊個，有d貴🤫🤫🤫

星期六接近兩點入去， 啱啱好有位😆， 兩大一細，我哋叫咗一個小食拼盤再加榴槤炸波波 仲嗌咗碗喇沙🍜(我冇影到相)， 嗰碗喇沙 質素一般般😅，最好味都係個拼盤🥰，係有D肥膩啫， 串燒嘅雞肉非常之淋 配合沙嗲醬好惹味 😋，同埋個炸蝦卷好鬆脆， 雞翼炸到外面脆內面肉好滑，又juicy，食得一讚💯，如果跟餐嗌加18蚊就有杯特飲，都算幾抵💖。但係我哋冇嗌套餐，所以費事再加嘢飲。有機會下次可以再嚟， 試下 海南雞飯。