川花烤魚

營業中

休息中

個個北上食烤魚，計番車程同車費，川花烤魚抵好多。聽朋友講荃灣有間好抵食既烤魚店，咁收工就約左朋友過黎試一試。我地7點左右到，唔洗等位就入坐啦。7點半左右人流開始多，8點左右就滿座啦。要食既話最好book定位。✅️地點方便，環境優美👍位於荃灣廣場對面，方便易達。座位寬闊，坐得舒服，環境佈置有花、畫好有格調。好似係cafe入面食烤魚咁～✅️員工服務到👍後生仔老板（我估係啦）好細心，每個客人都好詳細咁介紹菜式，個個店員都好有禮貌。由於客人太多，見佢地都忙到未停過手。✅️大件夾抵食👍一見餐牌，果然抵，原條成個盤咁大既烤鱸魚300蚊都唔洗。我地點左豆花麻辣味，嘩配料勁多，就算唔加配料都已經好足料，樣樣份量都勁多。⚠️材料新鮮，即叫即烤原條鱸魚 （豆花麻辣味） $298超大條鱸魚，肉質鮮嫰，好滑一d都唔鞋，多款口味選擇。豆花麻辣味跟魚仲有配有千章豆皮、芹菜、豆芽、大量芫荽、超多豆花。豆花好滑，加埋d醬料同蒜，真心一流。辣味岩岩好，好多時食烤魚，就算叫左少辣或者bb辣，有時都會勁辣，但呢度岩岩好，好岩我地口味。總之就係好味。額外加左：蘿蔔$36切晒薄片，方便入味，店家夠細心。芋絲 $20成碟裝滿，份量超多。