米走雞Deluxe

上星期四去咗上次去長沙灣好好食嘅火鍋店道係銅鑼灣嘅分店食，因為上次覺得好好食。今次我哋都係叫咗特色火鍋-火焰麻辣雞煲，因為佢哋呢個麻辣雞煲都好有特色。首先佢哋要煮滾咗個雞煲，跟住點火落啲雞度，好似用明火咁樣燒下燒下跟住再落啲辣汁落去煮煲等多一陣。嗰啲麻辣雞香味就已經係一震震咁樣一漂入我個鼻嗰度啦。其實我已經急不及待想食架啦。但係個服務員叫我地等多陣，因為啲雞未熟晒。等咗一陣服務員一打開嗰個蓋，我就即刻夾咗嚟食啦。其實個雞都幾滑，唔錯。同埋佢嗰個麻辣醬汁我覺得真係幾香濃架，好味。總括嚟講呢間鋪頭個環境都長沙灣果間一樣都唔錯又乾淨又光猛。啲服務員態度都和藹可親。以下就係我地叫嘅嘢食：

高山雲耳青瓜$48-呢個前個汁調得剛剛好，有蒜味又酸酸地好開胃。雲耳同青瓜都好爽囗同甜。

高山雲耳青瓜

$48

鮮製韮菜餃$88 -呢個韮菜餃，都係皮薄餡靚，非常之新鮮同好食。因為d韭菜又香又甜，正到爆！

鮮製韮菜餃

$78

手切新鮮牛頸脊（小）$208-個牛頸脊切得薄薄地，又香牛肉味，最緊係個湯到煮一煮之後，啲牛肉加埋啲麻辣味，真係非常正，因為牛頸脊都ok滑。

手切新鮮牛頸脊（小）

$208

油麥菜（半份）$22-啲油麥菜都非常之新鮮同脆。兩個人食就啱啱好啦。

油麥菜

$22

鮮炸響鈴$48-呢個自家製嘅鮮炸響鈴，非常之脆，好有口感，因為比一般嘅係響鈴厚少少，仲有香香地嘅豆香味。同係長沙灣果間分店一樣好味。

鮮炸響鈴

$48

脆鯇片$58-幾新鮮同彈牙。

脆鯇片

$58

冬瓜（半份）$18-冬瓜好清好甜。吸太個湯d精華，好好味。

冬瓜（半份）

$18

火焰麻辣雞煲（小）

$148

火焰麻辣雞煲（小）

$148