泰濃麵 (樂道)

營業中

休息中

同外國回港探親朋友出尖沙咀行街食野，朋友話好想食泰國船麵，所以選了呢間「泰濃麵」，主打船麵。入座大概2:30pm ， 剛好有下午茶供應，主要分三款湯底（船湯、冬陰公湯及清湯），三款肉類（豚、雞、牛），然後可配河粉、金邊粉、薯粉、黃麵及飯。下午茶每款只需$52蚊，更有四款小食可供追加，十分抵食。選了《船湯雞肉金邊粉》（$52），除了自選雞肉，原來船湯本身配有炸豬皮、蘿蔔、秋葵、芽菜及魚蛋。湯底十分濃郁好味。然追加小食《泰式鳳爪》（$28），至愛呢個小食，個醬汁夠酸，加入新鮮蔥絲、洋蔥絲及生菜，開胃好吃。除了湯麵，原來仲有《泰式海南雞飯》（$69），雞肉確實好香好夠滑，配上吾會太硬也不太軟嘅油飯。《泰式小食併盤》（$78），有炸蝦餅、炸雞翼及炸芝士雲吞各兩件。最特別炸芝士雲吞，外脆內軟，建議要趁熱食。跟餐加$18可選特飲，《蝶豆花特飲》，蝶豆花帶紫藍色，除了色澤迷人，而且有豐富花青素，對人健康多功效，非常有益。《龍眼冰》，味道清甜，補血清肝，同樣有益心脾，夏天特啱飲。