泰象館

營業中

休息中

放工同屋企人嚟九龍城食泰國菜，平日來講都幾多人食。食物款式都幾多，有沙律、小食、燒烤、湯、海鮮同飯麵等等，價錢合理。蝦餅拼春卷蝦餅大大件，外皮炸得好香脆，裡面實淨彈牙，蝦味出而且新鮮，點埋泰式辣醬，酸甜不膩。而且春卷都炸得脆卜卜，𥚃面包滿左好多餡料，爽脆有層次感，唔錯。串燒可以選擇雞、牛同豬，因為屋企人唔食牛，所以我哋揀咗三串豬肉三串雞肉，燒得好香炭燒味，肉質唔乾，沾上沙嗲醬，幾惹味。燒雞全翼雞全翼大大隻，燒得幾靚，外皮脆，肉質滑，調味啱啱好，鹹度適中。原隻菠蘿海鮮炒飯賣相美觀，菠蘿香氣濃郁，多汁味甜，配埋海鮮炒飯，非常開胃，炒飯粒粒分明，軟硬適中，海鮮份量都幾多，有蝦、青口同魷魚等等，幾新鮮。菠蘿沙冰飲得出係用新鮮落菠蘿打成，酸甜開胃，感覺清爽。