泰鑫

營業中

休息中

🌸椰子雞湯，熱辣辣嘅椰子雞湯好足料，湯底呈奶白色，飲落口有好濃郁嘅椰奶香味，仲有好多唔同嘅香料同埋雞肉喺湯入面！🌸青咖哩牛肉，青咖喱汁濃稠度啱啱好，好香濃嘅青咖喱味！牛肉肉質軟嫩，用黎送飯真係啱哂🌸泰式雞肉炒金邊粉賣相好吸引，炒金邊炒都幾有鑊氣！雞肉份量都幾多，肉質鮮嫩，配埋花生碎、青檸汁同埋醬汁一齊食，味道甜甜酸酸，口感層次好豐富，好開胃🌸小食拼盤好豐富，包括有蝦餅、炸雞翼、豬肉條同埋福袋，各有特色！我最鍾意係食豬肉條，好香口又惹味，又唔會太嚡口！🌸沙嗲雞串燒上枱好香噴噴，雞肉嫩滑多汁，一啲都唔乾身，配埋沙嗲醬一齊食，都幾惹味可口🌸飛天芥蘭炒得好香噴噴，芥蘭好新鮮，夠哂爽脆 🌸青檸梳打好解渴又消爽🌸椰青好新鮮，飲落口好清甜，消暑一流🌸芒果糯米飯，新鮮清甜嘅芒果配埋軟糯適中嘅糯米飯，口感煙煙韌韌，配埋椰漿一齊食好滿足，甜而不膩餐廳舒適寬敞，裝修以木色系為主，柔和嘅色調！啱哂同朋友黎食飯傾計！咁啱餐廳仲有推廣優惠，我地今次消費滿指定金額，有擲骰玩遊戲贏到折扣優惠嘅機會，都幾開心