影片
更多
2024-10-20
1115 瀏覽
上兩次路經都已經俾佢個優惠價德國脆皮豬手吸引住，不過得我自己一個人真係食唔晒，剛好細妹放假，所以就約佢嚟陪我食啖啖肉嘅德國脆皮豬手。餐廳嘅佈置都幾得意，既有日式風格又帶點型格，空間感都好足，令人坐得好舒服。我地兩個人就order兩個set lunch同埋主角德國脆皮豬手。先嚟兩杯升級特飲，細妹嘅士多啤梨熱情果梳打，入口有好香甜嘅士多啤梨同熱情果味道，飲落清新嘅同時又非常解渴。我就係菠蘿雪梨四季春茶 ，佢個菠蘿味就唔算太出，但入口有好香嘅茶味，清潤得嚟又夠既fresh，重點係唔會好甜。一百蚊都唔洗嘅德國脆皮豬手真係好吸引，上枱時熱辣辣，大大舊嘅賣相都真係好吸睛。賣相得之餘佢個味道都仲得，豬手外皮炸到脆卜卜，而且個肉質嫩滑軟腍唔會乾，最好就係大啖啖肉咁食真係食得乾淨又方便。其實唔洗點醬汁都已經好好味，加埋個柚子醬一齊食，就加多一點點微酸度，兩種食法都同樣惹味。日式燒汁海鮮烏冬都唔錯，佢嘅海鮮配料都幾多，而烏冬炒得唔錯，唔會痴到一舊舊嘅同時又唔好油，食落仲好彈牙添。挪威煙三文魚忌廉蟹籽天使麵都唔錯，三文魚同蟹籽嘅鹹香再上天使麵彈牙幼滑，每啖麵都掛上忌廉汁一齊食感覺creamy得嚟又唔會好油膩
餐廳嘅佈置都幾得意，既有日式風格又帶點型格，空間感都好足，令人坐得好舒服。
我地兩個人就order兩個set lunch同埋主角德國脆皮豬手。
先嚟兩杯升級特飲，細妹嘅士多啤梨熱情果梳打，入口有好香甜嘅士多啤梨同熱情果味道，飲落清新嘅同時又非常解渴。我就係菠蘿雪梨四季春茶 ，佢個菠蘿味就唔算太出，但入口有好香嘅茶味，清潤得嚟又夠既fresh，重點係唔會好甜。
一百蚊都唔洗嘅德國脆皮豬手真係好吸引，上枱時熱辣辣，大大舊嘅賣相都真係好吸睛。賣相得之餘佢個味道都仲得，豬手外皮炸到脆卜卜，而且個肉質嫩滑軟腍唔會乾，最好就係大啖啖肉咁食真係食得乾淨又方便。
其實唔洗點醬汁都已經好好味，加埋個柚子醬一齊食，就加多一點點微酸度，兩種食法都同樣惹味。
日式燒汁海鮮烏冬都唔錯，佢嘅海鮮配料都幾多，而烏冬炒得唔錯，唔會痴到一舊舊嘅同時又唔好油，食落仲好彈牙添。
挪威煙三文魚忌廉蟹籽天使麵都唔錯，三文魚同蟹籽嘅鹹香再上天使麵彈牙幼滑，每啖麵都掛上忌廉汁一齊食感覺creamy得嚟又唔會好油膩，好啱我口味。
張貼
