四川重口味

營業中

休息中

近排天氣熱到個人都冇胃口，朋友又話叫食下麻辣嘢刺激下。之前聽朋友介紹四川重口味，於是即刻去訂位試下。筲箕灣分店向東大街，好近地鐵站，行幾分鐘就到。間舖裝修靚得嚟座位又舒服。唔會好迫，一家大細或親朋戚友聚會都係一個好就腳地點。天氣熱熱地，首先叫左扎酸梅湯，好開胃，又解渴，酸酸味味,都幾正！然後朋友叫左杯大話七，超級無敵好飲，必嗌、解辣一流，首先叫左個青瓜豬耳，夏天食真係好好味，爽脆，又惹味.又香口。然後到主菜，招牌酸菜桂花魚，又滑又入味，大大盆，中意食川菜朋友必嗌推介。仲有愛食肉嘅朋友仔都一定要嗌口水雞，又辣又惹味,送飯一流呀，大大碟又抵食。仲有碟香辣炒大蝦，麻辣又香口，蝦又大大隻，仲有好多配菜，爽口又好味。再叫左個清炒萵筍丝、爽口又清甜，食川菜必食之選。