茶啡檔

營業中

休息中

身為粉嶺街坊，成日食 T cafe，最中意食佢嘅咖哩🥘～今日嗌［咖喱牛腩飯配印度煎餅］，咖喱飯份量很大份，4-5件大牛腩，2-3舊薯仔🥔。牛腩炆得好淋，好入味，肉質唔會好乾好柴，薯仔好淋，入口溶化，咖喱味道濃郁香辣🌶️，不重椰汁味，少少辣，好惹味又開胃😋。咖喱汁配上白飯簡直絕配！配印度煎餅都正，煎得香脆，唔會好油膩，點咖喱汁食好味，可惜得半塊。如果套餐可以白飯轉印度薄餅就非常好，因為唔多茶餐廳可以食到薄餅。