天丼 (已搬遷) 新店位置

今日同朋友兩個人去食呢間餐廳。我地18:50落單, 餐點大約19:10先送到。我同朋友食野比較慢, 食到大約19:45, 我份餐仲有一隻蝦同一啖麵未食完, 有個女侍應走黎問個餐係咪已經食完, 係嘅話佢就收餐盤, 仲話用餐時間就到啦, 我就話我會食埋。再過左大約1, 2分鐘,  另一個侍應又過來催促我地離開, 當時我都仲未吞完口中嘅食物。餐廳的確有告示寫明用餐時間為45分鐘, 同埋餐點製作需時12-20分鐘(我同朋友都有留意到45分鐘規定但到臨走前先發現有餐點製作需時的告示)。建議餐廳考慮下做一啲調整, 如果餐廳想走快餐路線, 就應該諗諗點樣縮短餐點製作時間, 令客人可以輕鬆喺限時內食完。今次的用餐體驗真係好差, 我覺得整件事令我們感覺很受氣和難受, 食物幾好食幾抵食都冇用, 咁嘅setting我寧願搵間貴啲但冇限時嘅餐廳。