影片
以上資料只供參考, 請與餐廳確認詳情
主要想介紹返兒童餐。紅日假期黎到餐廳11:30 剛開門人流唔多，行哂成個yoho 望下d 有兒童餐既餐廳之後決定黎到天丼。$68 有飯/烏冬，天婦羅，茶碗蒸都好相宜。仲要有芒果西米底+芒果雪糕做甜品（雖然我冇俾小朋友食）。天婦羅味道同質素同大人既一樣，小朋友都食得好滋味。見到同場都有兩三枱小朋友食客，見到隔籬枱小朋友唔食蝦，餐廳亦都可以幫佢轉埋做天婦羅蟹棒。 茶碗蒸嘅雞蛋都好滑，熱辣辣。鰹魚湯烏冬，可能對於我嘅小朋友就太重味，未食得慣。下次再去會叫白飯。甜品我地大人幫佢食左，西米唔算多，但味道可以。大人就食左一個期間限定同埋一個天丼（鰻魚）食到中段都開始要排隊，餐廳都坐滿哂。野食新鮮，但始終天婦羅多食都會有油膩感。不過，對兒童餐滿意，唔係其他餐廳咁食薯條，火腿，腸仔等垃圾食物，又有bb 凳，應該都會再訪。
繼續閱讀
有一日等睇戲，唯有喺附近食晚餐經過見到YOHO有天婦羅丼或麵食跟住就入咗去坐低點餐我order咗一個巨星天丼入面有黑虎蝦、帆立貝、魷魚、蟹柳、紫菜、菇、四季豆食材，因為本身自己好鍾意食蝦同帆立貝。我覺得佢哋嘅醬汁同天婦羅好夾，餐廳亦都提供辣味粉、鹽🧂共調味之用另外個餐就包咗一個麵豉湯。整體嚟講都尚算好食，店員亦都會自動幫客人添茶
繼續閱讀
喺商場行街求其搵嘢食，天氣好熱特別想食啲開胃啲嘅嘢食，冷烏冬冷蕎麥麵就最好不過。見到做推廣有青檸柚香冷素面，感覺好Fresh好開胃😳 整體烏冬、蕎麥麵，同埋面汁都係好食，蕎麥麵略嫌林身，青檸柚香汁清新，柚香味唔算太濃。天婦羅炸粉份係薄身嘅，所以唔會食到好滯，亦都唔油膩，唔錯。份量都係大份的啱啱先咁入嚟，OpenRice見到負評都幾多，但係自己試過喺冇先入為主嘅感覺下，整體都唔錯，店員嘅服務亦都好Nice，期間唔小心倒瀉咗水，請求佢哋幫手，佢哋都好有善即刻處理。有機會會再幫襯！
繼續閱讀
假期下午去食，去到得兩枱客，商場入面好多人但係鋪頭裡面員工仲多過客人。坐低後發現餐牌唔同左唔岩食已經即刻想走。以前定食每款$80-$90都有跟2隻蝦，新菜單得番1隻仲要$100up完全唔夠食！由於唔鐘意食蔬菜，我淨係會叫定食或淺草海老丼。今次去到兩個餐都無埋，散叫又貴成$26一隻蝦！半年前蝦都只係$19一隻。總結：野係好食不過食唔飽，建議改番舊菜單或自選天婦羅定食會更吸引新客及留住舊客種種原因我已經勸退左身邊朋友。
繼續閱讀
唔知做乜安排左個位係熱加少焗，咁啱又有太陽曬，嗌左個茶碗蒸就合格，天丼就中規中矩，材料靚，米飯好食，唯一就係越食越熱，跟住又焗，窗邊位有太陽曬住，一路食一路有少少辛苦😓，飲左三杯茶（熱🔥），張櫈又唔 好坐….. 價錢還好，侍應都有禮貌～但冷氣既問題要改善🤦🏻♀️
繼續閱讀