尚青商號 (已搬遷) 新店位置

上星期嚟咗灣仔嘅尚青商號食台式料理‼️首先嚟嘅係櫻花蝦瑤柱蔥油拌麵，用咗手工寬麵，好彈牙！麵條同櫻花蝦瑤柱嘅配搭都幾好，加上香蔥油，味道好香濃。😋❤️然後就係紅燒半筋半肉幼麵啦，湯底濃郁，加埋啲嫩滑嘅半筋半肉，煮得啱啱好。😋椒鹽花枝丸係我最愛嘅台灣小食！外脆內軟，花枝丸裡面真係好鮮美，沾住醬汁食真係無得輸！😋❤️‼️最後當然唔少得台式飲品啦，我地揀咗黑糖芋泥鮮奶同茉香奶綠。黑糖芋泥鮮奶好香濃，甜甜地，加埋芋頭粒，好滑好香！而茉香奶綠都好香滑！❤️總括而言，尚青商號真係一間值得推薦嘅台式餐廳。食物地道好味，下次一定會再幫襯！‼️