德美壽司

營業中

休息中

好多年前食過一次德美幾好食，近排突然醒起佢，就去回味一下。大蝦天婦羅呑拿魚茸卷 $85貌相幾靚，隻蝦頭炸完都仲放返係度做裝飾。卷物唔算大件，4件比想像中嘅少，我expect都有6件…味道方面係好食嘅。汁燒魷筒 $85同樣份量偏細，魷筒嘅闊度大約2隻手指嘅闊度…可能偏細，無咩口感。鹽燒油甘魚鮫 $91油甘魚鮫出乎意料之外，魚鮫好多肉，而且鹽燒味幾香，魚肉幾滑，怕油膩可以點啲蘿蔔蓉醋。野菜牛肉鍋 $78加$30先有烏冬，不過好彩都大碗，無烏冬好似差咗少少嘢咁…牛肉幾嫩滑，有幾塊根較多，個溫泉蛋好食！