J.S. FOODIES (港威商場)

營業中

休息中

每次經過foodies 都見好多人排隊，今日終於約咗同事一齊試吓，我哋大約12:45就去咗排隊，嚟到前面已經有三組人等緊，好彩我哋大約等咗15分鐘就有枱啦。 安排咗我哋坐入邊一張三人枱，我哋三個女仔叫咗2個午餐（黑松露忌廉雜菌意粉&牛板腱太陽蛋飯配燒汁）再加一個原味疏乎厘。午餐就有得附送飲品，咁我哋嗌咗一杯可樂一杯檸檬飲品。等咗一陣間，黑松露忌廉雜菌意粉第一碟上枱，忌廉汁味道濃郁好香，意粉食落口唔會太油膩軟硬適中。之後第二碟上枱就係牛板腱太陽蛋配燒汁，我覺得牛肉煮得啱啱好，唔會太硬而且容易入口，配埋個燒汁絕對好味。最後終於上甜品，期待已久的疏乎厘完全冇令我失望，一句講晒好味。總括嚟講餐廳食物，味道一流，服務都唔錯，性價比高。一定會再食。