J.S. FOODIES (港威商場)

營業中

休息中

收工行完街黎既，一個人食，夜晚6點45分，立即有位。座位有三款：卡位、高枱、面牆。店員有問想坐邊。位置喺Citisuper/ Log on落一層，2樓近海，近中港城個邊入口。無大聲音樂、周圍舖頭唔嘈。去到7點半都唔full，平日可以靜靜地食飯。「黑松露忌廉意粉」$145x1.1- 超多菇，唔知喺廚房切左幾多粒- 拼盤特別，賣相吸引。- 睇落細碟，但夠曬飽- 意粉軟硬煮得啱啱好- 唔係最好食既黑松露忌廉意粉，但都有4/5。「菊花蘋果蜜糖」$38x1.1- 類似咁既名- 好甜，好甜。自己加左水開黎飲。後黎店員問要唔要加D熱水，話呢個飲品可以添熱水，先知原來係suppose開稀飲。舖頭一旦再忙D就唔會得閒加到水，建議一開始就開稀放入個大杯度，或者上多壺熱水等客人自己搞。- 但個味係夾既，3/5服務十分抵讚。女店員見到我攞自己temple sip喺領口，主動比多張大餐紙。另一枱客戶跌左件食物，店員好快發現，offer比返件佢，完全唔係餐廳責任，但店員會咁樣主動行多步，非常抵讚，喺香港好難得。添水添得快，但可能客人唔太多，店員都幾經常行黎行去，介意既可以問下可唔可以揀面牆位自閉。

同朋友又嚟海港城行街街，行完就搵野食，見到呢間餐廳終於唔駛排隊，就嚟試下☺️點左蕃茄海鮮意粉，蕃茄味道唔錯，幾開胃。白酒忌廉汁藍青口配薯條，呢個汁好好味，藍青口細細隻但份量好多，非常鮮甜，食唔停口，粗薯條係即炸，十分香脆👍🏻哈密瓜pancake，賣相一流，班戟空氣感十足，哈密瓜都好甜，值得一試。女經理服務非常周到，見我地碟上好多青口殼，馬上幫我地換碟，留到我地差唔多食晒，先提議我地起班戟👍🏻👍🏻難怪呢間餐廳平時咁多人排隊啦！食完已經想再嚟😋

今日午餐嚟到呢一間聽講pancake好好味嘅餐廳，原來晏晝都幾多人嚟排隊，12點左右到我都排咗20分鐘。呢度呢仲用緊人手落單，都係尖沙咀少有嘅餐廳，望下個set lunch有burger有意粉有飯，我就揀咗我最鍾意食嘅明太子意大利粉，呢個係我日式西餐裏面最鍾意嘅餸菜。個白汁好濃好濃，好多魚子喺上面，整體個意大利粉都唔錯，我加咗一杯ice ammericano， 咖啡合格。其實環境都算唔錯，有少海景，食物睇落都係即叫即做，如果排隊可以快少少，lunch都可以多啲嚟呢度食。

外賣🥡杯嘢都幾好飲，甜度啱啱好，CHOCOLATE MOCHA FRAPPE$48，咁啱去尖沙咀海港城想淨買一杯嘢飲都可以，一定好飲過Starbucks😂紙飲筒真係頂唔順😂薯條好硬，好正🙌食完都吾太飽肚，$139唔抵食。淨係買杯嘢飲，價錢都合理好飲。

今日下晝，又係唔知食乜好，來到尖沙咀最後揀咗間餐廳。本身都係食吓burger，點知有個pancake都非常之好食㗎，好多人介紹，所以最後兩樣都試吓啦。首先burger係非常之好食，入邊塊肉肉汁很多，配合埋醬料蔬果，簡直係絕配。薯條一樣都炸得非常之好食，唔似一般快餐店咁。重點來了，pancakes 上配咗肉加埋塊蛋，另一個絕對係一個好新穎嘅做法，所有嘢配埋係非常之夾，口感一流。如果係接受到新嘗試嘅同伴就可以嚟試吓啦。

First visit to JS Foodies and I’m quite impressed with the food quality. Ordered an avocado & salmon whole wheat pancakes lunch set ($139 before service charge) which also came with an iced tea. The presentation was lovely and the pancakes were as good as everyone said. Fluffy and wholesome. The salad greens were fresh and portion size overall was more than enough for a lady. Smoked salmon was a little bit salty but not a big deal. Service was attentive. Kept checking if I needed anything else.

1. 粟米天婦羅 $68呢舊野…真心食之無味…棄之可惜😮‍💨佢只係一舊粉同啲粟米黐埋一齊…再炸左😵就算幾好味既醬…都彌補唔到🥴👎🏻👎🏻2. 黑松露忌廉意粉 $139個汁都算好重黑松露味，但係個汁唔算杰身…意粉難以掛汁。野菌分量都算多。3. 士多啤梨藍莓香蕉班戟 $129Pancake係原味，食落去好有空氣感，好鬆軟，係個底熟左少少，不過整體係唔錯，甜度啱啱好，唔會太甜，加上有三款水果伴碟，甜甜酸酸，中和下，配搭唔錯👌🏻（以上價錢未計加一服務費）

🌟整體評分: 8.5/10🌟❤️味道：8/10🧡環境：8/10🩵服務：8/10💚性價比：9/10💗小朋友喜愛度：9/10食完午餐冇耐，小朋友見到餐廳外嘅pancake poster已經話要入去人食😂位於海港城海旁嘅餐廳唔使介紹都知有海景睇是常識吧‼️服務員哥哥好有型又有禮貌😍叫咗個original疏乎厘pancake，又厚又大件，3件絕對係巨人級😲😲上面既忌廉一大坨！出邊天氣熱辣辣，忌廉凍冰冰 好似雪糕咁，超香超正！$109超值！由於pancake即叫即整要等25分鐘，小魔怪要求order黑松露 sour cream 薯條🍟絕對係佢嘅飛佛，超香脆！

朋友生日嚟咗海港城呢間餐廳試下，出品都幾驚艷下！ 同朋友一齊嗌咗一個肉醬蕃茄伊麵，之後再嗌咗個士多啤梨疏乎厘同埋一個蝦球。都幾推介大家試吓佢哋嘅疏乎厘。入口即化同埋唔會太甜之後個伊麵份量超大同朋友兩個人分一份。 環境都幾好，我哋係夜晚過去嘅，但係排隊排得好多人，所以一定要提前去！見到有個漢堡都幾吸引，下次試吓先。同埋大家可以試吓唔同口味嘅疏乎厘，佢哋嘅疏乎厘真係好正，好Q彈好鬆軟，搭配士多啤梨一口落去好正

星期六的店特別忙。但幾位年青的服務員，不慌不忙，雖然已忙得不可開交，但服務態度依然十分好。 積極勤奮。合作非常有默契，現在香港實在少有。 食物質素一向理想，今次選了原味的fluffy pancake，沒有半點值得挑剔。讚👍🏻

無得輸，真係好好食☺️我地2個人，一共叫左4樣野一個pancake，一個意粉，一個薯條，一杯earl grey 每樣都好滿意，食完勁飽👍👍👍啲staff都好好服務，勁密手倒水、換碟，又提我地pancake後落既話，可以等正餐到左先落單。意粉好好食！新menu既蟹肉意粉，個汁好creamy好香，配左蟹肉同蟹籽，口感豐富，食左第一啖就停唔到😂 同朋友邊讚邊食，仲因為呢個好好味，話下次要再食！ 雖然比其他意粉貴50蚊，但好開心！人均大概250左右

JS Foodies的黑松露薯條是一道令人垂涎欲滴的美食。薯條金黃酥脆，搭配香氣濃郁的黑松露醬汁，帶來豐富的口感和獨特的風味。每一口都散發出黑松露的迷人香氣，絕對是黑松露愛好者的最佳選擇。黑松露和牛漢堡是JS Foodies的另一道招牌菜。牛肉鮮嫩多汁，搭配黑松露醬和新鮮蔬菜，層層堆疊在鬆軟的漢堡包裡。每一口都能品味到牛肉的鮮美和黑松露的獨特風味，絕對是一道令人驚艷的美味佳餚。明太子龍蝦沙律是一道豪華的海鮮沙拉。新鮮的龍蝦肉與日式明太子醬混合，呈現出濃郁的口感和鮮美的味道。沙律配料的清爽和龍蝦肉的鮮甜相得益彰，給人一種愉悅的味覺享受。黑松露忌廉意粉是JS Foodies的經典義大利面菜品。細緻滑順的意粉搭配濃郁的黑松露忌廉醬，為整道菜品帶來豐富的層次感和深度的風味。每一口都能感受到黑松露的香氣和忌廉的濃郁，絕對是一道讓人回味無窮的美食。JS Foodies的芒果沙冰是一道清涼的甜品選擇。新鮮的芒果切片放在冰凍的碎冰上，搭配清甜的芒果汁和香滑的冰淇淋，帶來一種令人心情愉悅的口感和味覺享受。夏天來一份芒果沙冰，絕對能讓人感受到清涼和甜蜜的滋味。最後，JS Foodies的蜜糖香橙茶是一種獨

去開尖沙咀shopping,突然醒起朋友推介J.S. FOODIES嘅pancake話好好食,咁我緊係要嚟試吓啦😍我地嚟呢日係假期好多人等位,等咗差唔多45分鐘先到我地,好彩等位時已經揀好晒食咩所以一坐低就可以即刻落單☺️我地叫咗海膽卡邦尼意粉🍝意粉份量夠大,醬汁味道很濃,不過略嫌偏稀經典漢堡🍔Burger入面嘅安格斯牛肉好juicy再配埋粗薯條,成個配搭好match🤩士多啤梨藍莓香蕉班戟🥞呢個pancake真係無得彈💯食落夠晒鬆軟,空氣感十足,有蛋香牛油香😍mix埋🍓🫐🍌真係絕配#hkfoodie#openrice#jsfoodies

之前係海港城番工果陣都幫襯過4次，每次都要排隊成一個中，同埋印象都唔係話好差，所以今次路過見到無人排隊就帶另一半去試下，點知今次就出事了。我地兩個人叫左大蜆煲（跟薯條），海膽意粉同三文魚籽意粉，野飲就honey orange and coconut 沙冰。三樣野食都好咸，蜆都未全部洗乾淨，有沙～意粉個質感又好硬。其實份量好足夠，擺設又靚又好打卡able，可惜食落得個咸字😷野飲就ok 喇honey orange飲落似橙味Soda，coconut 沙冰又唔會話成杯都係冰，都幾好飲。不過今次試完就未必想再encore了😅

又黎J.S. Food, 今次一定要試佢既Pan cake 🤩 1. 士多啤梨藍莓香蕉班戟 💰$129梳乎厘口感軟綿綿超好食，蛋味好香，士多啤梨香蕉酸酸甜甜混合一齊好正😍😍難怪佢被稱為必食既pancake ,食完好滿足，最鐘意佢有空氣感，食落唔會好飽肚2. 酸忌廉黑松露薯條 💰$69👑👑👑每次黎我都必叫既薯條，上面既黑松露醬+sour cream 同薯條好夾，又大碟食極都有，岩晒黑松露+ 薯條控既我，重點係69 蚊咋🤤🤤薯條係粗身薯條好有質感勁力推介👍🏻👑👍🏻👑3.龍蝦沙律 💰$188前面2款都算邪惡之物，所以每次都會叫個沙律中和一下，醬料係另上，可以㨂胡麻醬 or 明太子醬，兩款我都試過，個人口味會偏向喜歡明太子醬。沙律除咗有主角龍蝦同菜之外，仲有三文魚子，牛油果粒，雞蛋同粟米，感覺係健康同夠份量既😌4. Green Tea Latte (Hot)💰42朋友叫既飲品，佢話都唔錯幾好飲