帕維亞意大利餐廳

營業中

休息中

今日同女朋友去開九龍城，佢話想食意大利菜，google 搵下就搵到呢間，見到門面都幾靚仔，就決定試下！麵包籃一坐低就會送上麵包籃，估唔到連送的麵包都咁鬆軟咁香口！讚！.白酒煮青口青口又肥又大隻，好吸引人。白色嘅青口綿密，入口奶油咁滑；橙色嘅青口就更加嫩口。兩種口感結合，鮮甜香口，係我試過最好食嘅煮青口。.蒜片炒意大利粉呢間餐廳嘅意粉炒得乾身，唔油唔膩，香口又入味。比起坊間其他餐廳好食，出面果d 好多都好油。.燒西班牙黑毛豬勁好食的黑毛豬，唔知以為食緊牛排。肉質好細滑，入口有橡木香氣；中意可以試下佢地自製醋，減低油膩感。呢份好食到我已經決定下次要再黎！.呢間喺九龍城嘅意大利餐廳唔單止經得住疫情考驗，仲有出色菜品吸引我哋。希望呢個餐廳可以繼續喺九龍城發展，令更多人可以品嚐到好食嘅意大利美食。