阿木台灣麵 (豉油街)

營業中

休息中

好耐冇食地道台灣野，突然好掛住夜市既味道，於是就去咗阿木食野。餐廳出面有一排售賣雜貨既架，可以比顧客選購自己有興趣既商品。出街通常鍾意食麵，今次揀咗紅燒牛肉麵 （$70），加一份台灣小香腸（$32），飲品就要自己好鍾意飲既黑糖珍珠鮮奶（$17）。食物好快就嚟到，紅燒牛肉麵有成4大塊牛肉，即時覺得好抵食！湯底非常濃郁，牛肉咬落軟腍，麵質亦爽口，難怪唔少顧客都點。至於台灣小香腸就蒜味香濃，而且肥瘦適中，好有夜市風味。黑糖珍珠鮮奶既珍珠粒粒分明，口感煙韌，加上陣陣黑糖味，唔錯！