喰楽

營業中

休息中

啱啱去完大阪， 仲好掛住日本個關西燒。 即刻search下香港邊度有得食。見到呢間裝修唔錯好有日本風味決定嚟試下。 一入到黎環境清靜好樸素。 好似置身日本一樣。 睇完餐牌唔使諗，叫咗個A5和牛套餐。 先上前菜，有和牛餃子，舌拿魚飯團同埋香煎和牛。和牛餃子肉味濃郁又多汁，有驚喜! 和牛夠曬嫩口，充滿油脂味。舌拿魚飯團都好新鮮，有高級壽司店嘅水準。 估唔到前菜已經咁好味 跟住上今晚嘅主角A5和牛再加個野菜拼盤壽喜燒。 同普通壽喜燒唔同關西風冇湯， 用汁煮方式偏向濃味。 呢度仲會有師傅喺我哋面前煮埋畀我哋食，佢慢慢逐塊將和牛灼熟再配埋日本蛋汁。 入口即溶嘅感覺喺香港從來未試過，食到停唔到口！食每塊牛之間都會有一份蔬菜亦都非常新鮮有助解膩 。 另外仲有碗白飯畀我哋仲有碗豚肉雜菇炊飯，好有日式comfort food嘅味道 最後甜品上咗個豆腐雪糕，豆味濃郁唔係太甜 ，為今晚劃上完美句號。