友拉麵

營業中

休息中

之前剛剛開業嘅時候叫過一次外賣，都覺得好一般，但見其他人食評都唔錯，決定再俾一次機會佢。今次七點去到，餐廳坐咗三份一人，唔使排隊。見人哋話蝦拉麵OK，咁就跟啦。其實個樣都唔錯嘅，不過一黎就一浸鹼水味。面質都算OK。叉燒做得唔錯，火炙過，都好香。味玉都合格，略嫌唔夠味。衰在個湯底，唔夠味，好淡。拉麵嘅湯底真係第一重要！比外賣，堂食好好多，起碼份量多少少，同埋熱啲。不過真係稱唔上好食。都係果句，同區咁多拉麵，佢要再努力啲喇。讚嘅係間店支持動物，有介紹助養，有得捐款。