割烹 櫓杏 (iSQUARE國際廣場)

營業中

休息中

女朋友今日心情好好，仲提議要去尖沙咀食晚餐，就帶咗我過去。一入到舖頭，我就見到牆上面畫咗個好得意嘅小熊，而且仲擺咗啲日式嘅擺設，成個環境睇落去就好有文化。店員又好有禮貌，會主動介紹啲嘢食俾我哋，好熱心！炭燒雞頸肉好嫩滑好食，再配埋炭燒汁，味道更加有層次，食落特別爽，滑滑嫩嫩嘅口感，簡直係一種極致嘅享受！熊本天草鮮魚壽司三件有拖羅、吞拿魚蓉軍艦仲有師傅發辦嘅壽司🍣三款壽司嘅食材都好新鮮，每一啖都可以食到食材本身嘅獨特味道，簡直正到冇朋友！牛腸鍋特別正宗，同我喺日本食過嘅味道一模一樣，我同女朋友都好鍾意食！牛腸同埋啲蔬菜一齊食，味道更加好！而且份量又好夠，我哋食得好滋味！鰻魚、青瓜配土佐酢好開胃，酸酸嘅土佐酢配埋鰻魚嘅鮮嫩，再加埋爽甜嘅青瓜，多種嘅味道喺口中散開，真係一流！從來未食過咁新鮮嘅鰻魚，鰻魚肉入面嘅幼嫩，慢慢品嚐就會食得出佢嘅與別不同。女朋友真係好叻，次次都帶我去食咁好味嘅日式餐！