L'AMOUR (已易手) 新餐廳

餐廳裝修幾高貴，係啲好大張嘅絨面紅色凳坐得都幾舒服，同埋已經好有萬聖節氣氛，今次食佢哋嘅lunch set。4 Course $338坐低咗冇幾耐就開始上餐包，有黑松露牛油加埋個包一齊食都幾好味。焦糖法國鵝肝撻食落去都幾重鵝肝味，面頭有少少燒過嘅焦糖幾香口。藍鰭吞拿魚他他吞拿魚都幾新鮮配埋個汁幾清新，幾啱口味。法式澳洲活龍蝦湯呢間個龍蝦湯做得幾好，一飲落去已經飲到好濃烈煲咗好耐嘅龍蝦精華，味道都好豐富。是日餐湯南瓜湯都幾濃郁，飲落去口感都好滑。燒韓國天然頂級純種1+韓牛牛肋骨韓牛食落去一定穩陣㗎啦，肉味好濃之餘口感都唔錯，個肉質處理得啱啱好咬落去好腍，味道都唔錯。烤西班牙豬腩肉個皮煎得幾香口，但係食晒成塊就好膩，豬腩肉油脂分布都好平均。原隻海膽雪糕海膽好新鮮好好味，同埋份量都幾多，配埋個豆腐雪糕一齊食勁正。