Fika

營業中

休息中

屋企附近行十分鐘就到坑口村、呢度不嬲都有好多隱世餐廳，性價比高，上星期同小朋友踩單車經過決定搵間最高人氣嘅黎試吓，見到門口放咗Menu價錢都唔貴，同小朋友食得唔多，所以單點來試一試。是日餐湯椰菜花湯，入口都好Creamy，而且椰菜筒香草味道好夾。我同小朋友share飲，配埋新鮮焗起嘅麵包，脆卜卜小朋友好鍾意。牛油果蟹肉脆餅一碟有四件，蟹肉配埋牛油果醬係最夾嘅配搭，加埋多士新鮮焗起，有少少鹹香味道，好香口好開胃，小朋友都好鍾意食。豬鞍一份好大碟，雖然大大塊不過食入口完全唔會好硬，煎得好香，仲有大量嘅沙律同埋白豆䈶，豬扒配蒜蓉汁一齊食，特別惹味，的確好味，不過因為同小朋友來，雖然埋單價錢唔貴，不過比我無意中發現原來套餐六百幾蚊兩個人有好多嘢食，下次要同埋老公一齊再嚟食套餐就會更加抵食。